NÚMEROS 8:19 - Dios Rimashca Shimicunami

¹⁹ Levitacunata israelcunapuramanta ch'icanchishpaca, Aaronman, paipaj churicunamanmi convidani. Dioshuan tupanacuna carpa huasipi israelcunapaj randi Diospajta rurashpa, Dioshuan alli tucunacuchij cachunpish ñucami churarcani. Diospaj carpa huasiman israelcuna c'uchuyashpapish ama llaqui tucuchunmi chashna rurarcani” nircami.

NÚMEROS 8:19 Iomraidhean Croise

ÉXODO 12:50

Chaitaca israelcunaca Mandaj Dios Moisesman, Aaronman mandashca shinallatajmi rurarcacuna. Tucuitami chashnataj rurarcacuna.

NÚMEROS 1:50

Ashtahuanpish levitacunataca Dioshuan ari ninacushca quillcata huaquichina carpa huasita, chaipi Diospajta ruranapaj imalla charinacunata, chai carpa huasipi tucui imalla tiyajcunatapish ricuchun churangui. Diospaj carpa huasita, chaipi tucui imalla tiyajcunatapish paicunami apajcuna canga. Tucui chaicunata rurashpami Diospajta rurangacuna. Paicunaca Diospaj carpa huasi muyundijpi paicunapaj carpa huasicunata shayachishpa causachuncuna.

NÚMEROS 1:53

Levitacunaca Dioshuan ari ninacushca quillcata huaquichina carpa huasi muyundijpi, paicunapaj carpa huasicunata shayachishpa tiyarichun. Tandanacushca israelcunapaj jahuaman Mandaj Dios p'iñarishca ama shamuchunmi paicunaca chaipi cuidangacuna”.

NÚMEROS 16:46

Chaipimi Moisesca, Aarontaca cashna nirca: –Mandaj Diospaj ñaupajmantaca pai yallitaj p'iñarishpa llaquichina ña llujshimushcamanta huañuica ñami callarishca. Chaimanta inciensota rupachinata japishpa altarpi lunyacuj ninata chaipi japichishpa chai jahuapica, inciensota churashpa israelcuna maipi canman utca rishpa paicunapaj juchacunamanta Mandaj Diosman cugri– nirca.

NÚMEROS 8:18

Levitacunataca israelcunapaj punta huacharishca churicunapaj randimi ñucapaj cachun japircani.

NÚMEROS 8:20

Moisespish, Aaronpish, tandanacushca israelcunapish Mandaj Dios Moisesta ima shina mandashca shinallatajmi levitacunataca imalla ruranacunapi churarca. Chashnami israelcunaca levitacunataca rurarca.

1 SAMUEL 6:19

Bet-semes pueblopi causajcunataca, Mandaj Diospaj arca ucuta ricushcamantami huañuchirca. Paicunaca 50.070mi huañurcacuna. Chai achcacunata Mandaj Dios huañuchijpimi, chaipi causajcunaca jatunta llaquirishpa huacarcacuna.