NÚMEROS 8:12 - Dios Rimashca Shimicunami

¹² Levitacunaca huagracunapaj uma jahuapi paicunapaj maquicunata churachun. Shuj huagrataca juchamanta Diosman cungui. Caishujtaca levitacunata mapa illajllata rurangapaj Mandaj Diosman cushpa tucui rupachingui.

NÚMEROS 8:12 Iomraidhean Croise

ÉXODO 29:10

Chai q'uipaca, Dioshuan tupanacuna carpa huasiman malta huagrata apangui. Chaipi Aaronpish, paipaj churicunapish paicunapaj maquicunata chai huagrapaj uma jahuapi churachuncuna.

LEVÍTICO 1:4

Chai cucujca Mandaj Diosman cushpa tucui rupachina animalpaj uma jahuapi paipaj maquita churachun. Chaimi, juchamanta cushca cashcamanta chasquinga.

LEVÍTICO 14:22

Shinallataj ishqui urpita cashpa, ishqui palomata cashpa pai apamui tucushcallata apamuchun. Chai animalcunamanta shujtaca juchamanta cungapaj, caishujtaca tucuita cushpa tucui rupachinapaj apamuchun.

LEVÍTICO 16:11

Aaronca paipaj juchamanta cuna c'ari huagrata apamuchishpa, paipaj juchamantapish, paipaj huasi ucupuracunapaj juchamantapish cushpa ñucahuan alli tucuchun. Juchamanta cushca huagrataca huañuchichun.

LEVÍTICO 16:21

Chai causaj chivopaj uma jahuapica Aarón paipaj ishqui maquita churashpa tucui israelcuna millaita rurashcacunata, paicuna c'ariyashcacunata, paicuna juchallishcacunata chai chivopaj jahuapi huillachun. Chai chivopaj uma jahuapi paipaj maquita churashpaca shitashca pambapi chivota cacharigringapaj caj runaman cacharishpa cachanaman cachachun.

LEVÍTICO 16:6

Aaronca, paipaj juchamanta cuna c'ari huagrata apamuchishpami, paipaj juchamantapish, paipaj huasi ucupuracunapaj juchamantapish ñucahuan alli tucunga.

LEVÍTICO 4:15

israelcunata cunaj yuyajcuna Mandaj Diospaj ñaupajpi chai malta huagrapaj uma jahuapi paicunapaj maquicunata churashpa, chai malta huagrataca Mandaj Diospaj ñaupajllapitaj huañuchichun.

LEVÍTICO 4:20

Chai malta huagrataca curapaj juchamanta cushca huagrata cushpa rupachij shinallataj rupachichun. Paicunapaj juchamantaca cura chashna cushpa rupachichun. Chashna rurashpami, Mandaj Dios perdonashca cangacuna.

LEVÍTICO 4:35

Chai q'uipaca Mandaj Dioshuan alli cangapaj Mandaj Diosman cushca animalpaj huirata llujshichishca shinallataj, chai animalpaj huiratapish tucuita llujshichichun. Chaitaca Mandaj Diosman cushpa rupachicushca jahuapi churashpa cura rupachichun. Juchallijmantaca cura Mandaj Diosman cushpa chashna rupachichun. Chaimi Mandaj Diosca paitaca perdonanga.

LEVÍTICO 4:4

Chai malta huagrataca, Mandaj Dioshuan tupana carpa huasi punguman Mandaj Diospaj ñaupajman apamushpa, chai malta huagrapaj uma jahuapi paipaj maquita churashpa, Mandaj Diospaj ñaupajpi huañuchichun.

LEVÍTICO 5:7

Chai juchamanta cuna cashcata Diosman cungapaj malta ovejata mana charishpaca, ishqui urpita cashpa, ishqui palomata cashpa apamuchun. Shujtaca juchamanta cuna cashcata cunapaj, caishujtaca tucuita cushpa tucui rupachinapaj apamuchun.

LEVÍTICO 8:14

Chai q'uipaca juchamanta cuna malta huagratami apamuchirca. Aaronpish, paipaj churicunapish juchamanta cuna chai malta huagrapaj uma jahuapi paicunapaj maquicunata churajpimi,

LEVÍTICO 8:15

Moisesca chai huagrataca huañuchirca. Chai yahuartaca paipaj dedohuan japishpami, chai altarta Mandaj Diospajlla ch'icanyachingapaj altar gachucunatapish, altar muyundij quinritapish llihuirca. Puchushca yahuartaca altar chaquipimi tallirca. Chashnami Mandaj Dioshuan alli tucungapaj rupachina altar cachun, Diospajlla cachun ch'icanchirca.

LEVÍTICO 8:18

Chai q'uipaca, tucuita cushpa tucui rupachina carnerotami apamuchirca. Aaronpish, paipaj churicunapish chai carneropaj uma jahuapimi paicunapaj maquicunata churarcacuna.

LEVÍTICO 8:34

Cancunapaj juchamanta cuna cashcata cuchunca, cunan ima shina rurashca shinallataj rurachunmi Mandaj Diosca mandarca.

LEVÍTICO 9:7

Chai q'uipami Moisesca, Aarontaca: “Altarman c'uchuyashpa cambaj juchamanta Diosman cuna cashcata tucuita cushpa tucui rupachina cashcatapish cushpa Dioshuan alli tucui. Tucuicunamanta cuna cashcatapish tucuicunapajta Mandaj Diosman cushpa paicunatapish Mandaj Dios mandashca shinallataj paihuan alli tucuchi”,

NÚMEROS 6:14

Mandaj Diosman cushpa tucui rupachingapajca ima mana tucushca shuj huatayuj c'ari ovejata cuchun. Juchamanta cunapajpish ima mana tucushca shuj huatayuj huarmi ovejata cuchun. Sumaj causaimanta cunapajpish ima mana tucushca shuj carnerota cuchun.

NÚMEROS 6:16

Tucui chaicunataca curami juchamanta Diosman cunatapish, Diosman cushpa tucui rupachinatapish Mandaj Diosman cunga.

NÚMEROS 8:13

Chashna rurashpaca, levitacunataca Aaronpaj, paipaj churicunapaj ñaupajpi shayachishpa Mandaj Diospaj ofrenda cachun cungui.

NÚMEROS 8:8

Chai q'uipaca shuj huagrata apamuchun. Chaihuan cunapajpish, tucuimanta yalli alli cutata aceitehuan chapushcata apamuchun. Juchamanta cungapajca canpish shuj huagrata japishpa cungui.

Hebreos 9:22

Mandashcapi nishca shinaca, yahuarhuanca maijan maijanllami mana chuyayan. Shina cajpipish yahuarta mana jichajpica, perdonca mana tiyanchu.