NÚMEROS 8:11 - Dios Rimashca Shimicunami

¹¹ Israelcuna ofrendata Diosman cushcaca levitacunami. Chaicunataca Aaronmi Mandaj Diosman cunga. Chai levitacunaca Mandaj Diospajta rurashpami causangacuna.

NÚMEROS 8:11 Iomraidhean Croise

ÉXODO 29:24

Aaronpaj maquicunapipish, paipaj churicunapaj maquicunapipish churangui. Paicunaca chaicunataca Mandaj Diosman caiman chaiman cuyuchishpa cushca cachunmi caiman chaiman cuyuchishpa cunga.

LEVÍTICO 7:30

Diospaj ñaupajpi cushpa rupachingapaj cucushpaca paipaj quiquin maquihuan Mandaj Diosman cuchun. Chai huirataca pecho aichandij cuchun. Chai pecho aichataca Mandaj Diospaj ñaupajpi huichi cuyuchishpa cushca cachun apamuchun.

LEVÍTICO 7:34

Sumaj causaimanta israelcuna cushca animalta huañuchishca pecho aichata huichi ricuchishpa cushcatapish, cuna cashcamanta cushca changa aichatapish cushcacunataca ñucami japircani. Chaicunataca ñuca japishpami Aarón curaman paipaj churicunaman curcani. Cai mandashcacunaca israelcunapaj huahua huahuacuna chaitataj pajtachicuchunlla mandashcani”.

LEVÍTICO 8:27

Tucui chaicunataca Aaronpaj, paipaj churicunapaj maquipimi churarca. Mandaj Diosman cushca cachunmi Mandaj Diospaj ñaupajman huichi ricuchishpa cuyuchichirca.

LEVÍTICO 8:29

Moisesca, Mandaj Diosman cushcataca pai japina cashca pecho aichata japishpami, Mandaj Diospaj ñaupajpi huichi ricuchishpa cuyuchirca. Mandaj Dios mandashca shinallataj paiman cushpa huichi ricuchishpa cuyuchishca cachunmi chashna rurarca.

NÚMEROS 6:20

Chaicunataca Mandaj Diospaj ñaupajpi huichi ricuchishpa cuyuchishpa Diosman cura cuchun. Tucui chaicunaca Diospajlla ch'icanchishca cashcamanta curapaj saquirichun. Mandaj Diospaj ñaupajpi huichi ricuchishpa cushca pecho aichapish, changa aichapish curapajllataj saquirichun. Chai q'uipaca nazareoca vinota ubyachunlla.

DEUTERONOMIO 10:8

Chai punllacunapimi Mandaj Diosca, Leví aillutaca Mandaj Dioshuan ari ninacushca quillcata huaquichina arcata apaj cachun ch'icanchirca. Paipaj ñaupajpi pai mandashcata rurachun, paipaj shutipi israelcunata alli cashca canguichijman nichunmi ch'icanchirca. Cunan punllacunacamami paicunapaj ruranaca tucui chaicuna.