NÚMEROS 7:12 - Dios Rimashca Shimicunami

¹² Punta punllapi cuna cashcata cujca Aminadabpaj churi Naasonmi carca. Paica Judá ailluta pushajmi carca.

NÚMEROS 7:12 Iomraidhean Croise

GÉNESIS 35:22

Yaya Israel ña chaipi causacujpimi, Rubenca paipaj yayapaj Bilha shuti caishuj huarmipajman rishpa paihuan dormirca. Chaitaca yaya Israelca yachaj chayarcami. Yaya Israelpaj churicunaca chunga ishquimi carca.

GÉNESIS 35:23

Leahuan charishca churicunaca caicunami: Punta churica Rubén. Q'uipa churica Simeón, Leví, Judá, Isacar, Zabulón shutimi carcacuna.

GÉNESIS 49:10

Judapaj mandana caspitaca manataj quichushca cangachu. Pai mandana varatapish paipaj chaqui chaupimantaca manataj quichushca cangachu. Siloh mandaj shamungacamami tucuicuna paipajllaman tandanacungacuna.

GÉNESIS 49:8

Judá, cantaca cambaj huauquicunami alabanga. Cambaj maquica canta p'iñajcunapaj jahuapimi canga. Cambaj yayapaj churicunaca cambaj ñaupajpimi cumuringacuna.

NÚMEROS 1:5

Cancunahuan cajcunapaj shuticunaca: Rubén aillumantaca, Sedeurpaj churi Elisur cachun.

NÚMEROS 1:7

Judá aillumantaca Aminadabpaj churi Naasón cachun.

NÚMEROS 10:14

Judá aillupaj bandera ucupi caj soldadocunami tucuicuna paicunata ima shina rinata mandashca shinallataj ñaupashpa ri callarircacuna. Judá aillupaj soldadocunataca, Aminadabpaj churi Naasonmi pusharca.

NÚMEROS 2:3

Judá ailluca Diospaj carpa huasi ñaupaj ladoman, inti llujshin ladoman paicunapaj carpa huasicunata shayachishpa tiyarichun. Quiquin bandera c'uchupi paicunapaj soldadocuna maipi canpi tiyarichun. Judá ailluta mandajca, Aminadabpaj churi Naasonmi.

NÚMEROS 7:11

Mandaj Diosca, Moisestaca cashnami nirca: “Altarta Diosman mingangapajca, israelcunata mandajcunaca ñucaman cuna cashcacunataca punta punllaca shuj pushaj, cati punllaca caishuj pushaj huashan huashan apamuchun mandangui” nircami.

NÚMEROS 7:13

Paica caicunatami curca: 130 siclota pezaj shuj cullqui platota, canchis chunga siclota pezaj shuj cullqui jarrotami curca. Chaicunaca Diospaj carpa huasipi cullquita pezanapi pezashcami carca. Chaquishca granota Diosman cunataca chai ishquindijpitajmi tucuimanta yalli alli cutata aceitehuan chapushca jundahuan curca.

Mateo 1:4

Arampaj huahuaca Aminadabmi carca. Aminadabpaj huahuaca Naasonmi carca. Naasonpaj huahuaca Salmonmi carca.

Lucas 3:32

Natanca, Davidpaj churimi carca. Davidca, Isaipaj churimi carca. Isaica, Obedpaj churimi carca. Obedca, Boozpaj churimi carca. Boozca, Salmonpaj churimi carca. Salmonca, Naasonpaj churimi carca.

RUT 4:20

Aminadabpaj huahuaca Naasonmi carca. Naasonpaj huahuaca Salmonmi carca.