NÚMEROS 6:5 - Dios Rimashca Shimicunami

⁵ Nazareo tucushpaca Mandaj Diospajta rurangapaj ch'icanyarishca punllacuna pajtangacama paipaj uma ajchata ama rutuchichun. Mandaj Diospajlla ch'icanyarishca cashcamanta uma ajcha huiñachun saquichunlla.

NÚMEROS 6:5 Iomraidhean Croise

EZEQUIEL 44:20

Umataca ama lluchuta rutuchichun, yallitaj ajchatapish ama charichuncuna. Ashtahuanpish ashallata p'itirichuncuna.

NÚMEROS 6:4

Nazareo tucushpaca, chai punllacuna tucuringacama uvamanta imata rurashcacunatapish, muyullatapish, mirga carallatapish ama micuchun.

Hechos 18:18

Pabloca Corintollapitajmi achca punllacunacama saquirirca. Chai q'uipaca crijcunata shujtaj punllacama nishpaca Priscilandij, Aquilandij Siriaman barcopi manaraj rishpami, Cencreapi ajchata rutuchirca. Taita Diospajta rurasha nishcata ña pajtachishcata ricuchingapajmi chashna rurarca.

JUECES 13:5

Chichushpa shuj c'ari huahuatami huachangui. Paica huachari pachamanta Diospaj nazareomi canga. Chaimanta paipaj uma ajchataca mana p'itichishcami canga. Paimi israelcunataca filisteocunapaj maquimanta quishpichinga” nirca.

JUECES 16:17

Dalila huarmimanca pai imamanta chashna cashcata paipaj shungullapi yachashcataca: –Ñuca ajchataca nunca mana p'itishcami cani. Ñucaca mamapaj huijsamantapachami Diospaj nazareo cani. Ñuca ajchata p'itijpica ñuca fuerzaca ñucamanta anchunmanllami, tucui caishuj runacuna shinallatajmi caiman– nirca.

JUECES 16:19

Dalilaca paipaj changapi Sansonta dormichishpa shuj runata cayashpami, Sansonpaj ajcha canchis ch'imbacunata p'itichirca. Sansonmantaca chai fuerza anchujpimi, Dalila llaquichi callarishpaca,

1 SAMUEL 1:11

Ana huarmica: “Tucuita Mandaj Dios, cambajta ruraj ñuca llaquihuan cajta ricuhuayari. Cambajta ruraj ñucataca amataj cungarichu. Ashtahuanpish cambajta rurajmanca shuj c'ari huahuata cuhuai. Ñucaca paitaca paipaj tucui causaipi can Mandaj Diospaj cachunmi canman cusha. Paipaj ajchatapish manataj p'itichishcami canga” nishpami mañarca.