NÚMEROS 6:3 - Dios Rimashca Shimicunami

³ vinota, sidrata ama ubyachun. Vinomanta rurashca vinagretapish, sidramanta rurashca vinagretapish, uvata capishcatapish ama ubyachun. Cunanlla pallashca uvatapish, chaquichishca uvatapish ama micuchun.

NÚMEROS 6:3 Iomraidhean Croise

LEVÍTICO 10:9

“Mandaj Dioshuan tupana carpa huasiman yaicushpaca canpish, cambaj churicunapish, vinotapish, sidratapish ama ubyanguichijchu. Chashna rurashpallami mana huañunguichij. Tucui cai mandashcacunaca cancunapaj huahua huahuacunapaj huiñaipaj mandashcami.

AMÓS 2:11

Shinallataj cancunapaj churicunapuramanta maijancunataca, ñuca ima nishcata huillajcuna cachunmi agllarcani. Maijan q'uipa huiñaicunataca, nazareocuna cachunmi agllarcani. Israelcuna, cancunapuramanta chashna agllashcataca mana chashnachu nishpaca, mana ni tucunguichijchu” nircami Mandaj Diosca.

AMÓS 2:12

“Ashtahuanpish cancunaca, vinota mana ubyaj nazareocunamanpish ubyachircanguichijmi. Ñuca ima nishcata huillajcunatapish, ama huillaichijchu nishpami jarcarcanguichij.

NÚMEROS 6:4

Nazareo tucushpaca, chai punllacuna tucuringacama uvamanta imata rurashcacunatapish, muyullatapish, mirga carallatapish ama micuchun.

Lucas 1:15

Paica Dios alli nishcami canga. Vinotapish, sidratapish mana ubyangachu. Mamapaj huijsamanta pachami jucha illaj Espirituhuan junda canga.

Lucas 21:34

Taita Dios mandai callarina punllaca cancuna mana yuyashcapi ama shamuchun, cancunallataj alli yuyarishpa jatun micuita ruranallapi, machanallapi, cai causaipi imatapish charinallapi, cancunapaj shunguta churashpa ama causanguichijchu.

Efesios 5:18

Ama machaichijchu. Chaihuanca llaquimi tucun. Chaipaj randica Espirituhuan junda caichij.

1 Tesalonicenses 5:22

Tucui millaimantaca anchurichij.

1 Timoteo 5:23

Canca huijsa nanaihuan ungushcalla cashcamanta, yacullataca ama ubyangui, ashtahuanpish asha vinotapish ubyangui.

Hebreos 9:10

Chaicunaca imallata micunata, imallata ubyanata, chuyayangapaj ch'ican ch'ican ruranacunata, jahua aichapi imalla ruranatapishmi yachachin. Chaicunaca Dios mushujta callarichi punllacamallami carca.

JUECES 13:14

Uvamanta imata rurashcatapish, vinotapish, sidratapish mana ubyanachu. Imapish mapami nishcatapish mana micunachu. Tucui ñuca mandashcacunataca pajtachichun– nircami.

JUECES 13:4

Cunanmantaca vinotapish, sidratapish ama ubyangui. Imapish mapami nishcatapish ama micungui.