NÚMEROS 6:27 - Dios Rimashca Shimicunami

²⁷ Israelcunata curacuna ñuca shutipi chashna nijpica, ñucapish paicunataca alli cashca cachun nishami” nircami.

NÚMEROS 6:27 Iomraidhean Croise

GÉNESIS 32:26

Chai runaca Jacobtaca: –Ña achijyagrinca cachari– nijpimi Jacobca: –Ñucata alli cashca cachun mana nijpica, manataj cacharishachu– nirca.

GÉNESIS 32:29

Jacobca paitapish: –Cunantajca cambaj shutita huillayari– nijpimi paica: –Ñuca shutitaca ¿imapajtaj yachasha ningui?– nirca. Shina nishpami chai runaca Jacobtaca chaillapitaj alli cashca cachun nirca.

2 SAMUEL 7:23

¿Maijan llajtataj cambaj Israel llajta shinaca tiyanri? Cambaj israelcunallamari cai pachapica cambajlla llajtaca tiyan. Cambajlla cachunmi paicunataca huatashcamanta llujshichinaman rircangui. Cambaj shutita paicunapi churangapajmi chashna rurarcangui. Paicunapaj allita rurangapajmi chashna rurarcangui. Ñucanchij llajtapica mancharinacunatami rurarcangui. Cambaj israelcunata c'uyashcamantami Egiptomantapish chai shujtaj llajtacunamantapish, paicunapaj dioscunapajmantapish llujshichimurcangui.

1 CRÓNICAS 4:10

Jabes runaca israelcunapaj Taita Diostaca: “Cambaj allicunata ñucaman cuhuayari. Ñuca llajtata mirachihuai. Ñuca ama ima llaquita apangapaj cambaj maquipi ñucata huaquichihuai” nishpami mañarca. Chashna mañajpica, Diosca pai mañashca shinami rurarca.

2 CRÓNICAS 7:14

Ñuca agllashcacunamanmi ñuca shutita apachun curcani. Ñuca chai llaquicunata cachashpa llaquichijpica, paicuna mana allita ruracushcata saquishpa tucui shunguhuan nanarishpa ñucata yuyarishpa mañajpica, jahua pachamanta uyashami. Paicunapaj juchacunata perdonashami. Shinallataj paicunapaj allpapi tucui imapish mirachun bendiciashami.

SALMOS 5:12

Mandaj Dioslla, cashcata rurajcunamanca canmari allicunata cungui. Muyujta escudohuan pacaj shinami, cambaj c'uyaihuan muyuchingui.

SALMOS 67:7

Taita Dios, ñucanchijtaca alli cashca cachun niyari. Tucui cai pachapi causajcuna manchachuncuna.

ÉXODO 6:3

Abrahamman, Isaacman, Jacobman ricurishpaca Ñucalla Tucuita Rurai Tucuj Dios cashcatami ricuchircani. Ashtahuanpish paicunamanca ñuca shuti, MANDAJ DIOS cashcataca mana huillarcanichu.

ISAÍAS 43:7

Tucui ñuca shutihuan cajcunataca ñucata jatunyachijcuna cachunmi callarichircani, rurarcani nishami.

JEREMÍAS 14:9

¿Imamantataj mancharishca runa shina saquiringuiyari? C'ari c'aritajmari cangui. ¿Imamantataj mana mitsai tucuj runa shina saquiringuiyari? Chashna cashpapish Mandaj Dioslla, canca ñucanchij chaupillapitajmari cangui. Ñucanchijca can Mandaj Diosta mañajcunami canchij. Amataj ñucanchijtaca shitashcata saquihuaichu.

NÚMEROS 23:20

Israelcunata alli cashca cachun ninatamari Taita Diosmantaca chasquircani. Israelcunata alli cashca cachun ninataca paimari curca. Chaimanta ñucaca maitataj imapish tucushca cachun nishari.

Mateo 28:19

Chaimanta tucui cai pachata richij, ñuca yachacujcunata ruraichij. Paicunataca Yayapaj, Churipaj, jucha illaj Espiritupaj shutipi bautizaichij.

Efesios 1:3

Ñucanchijta Mandaj Jesucristopaj Yaya Diostaca, alli nishca cachun. Cristomantami jahua pacha llajtacunapi tiyaj allicunata ñucanchijmanca cushca.

DEUTERONOMIO 28:10

Chashna cajpimi shujtaj llajtacunapi causajcunaca Mandaj Diospaj shuti cancunapaj jahuapi cashcata ricushpa cancunataca manchangacuna.