NÚMEROS 6:26 - Dios Rimashca Shimicunami

²⁶ Mandaj Dios cancunata c'uyaj ñahuihuan ricuchun, sumaj causaita cancunapi churachun ningui nircami.

NÚMEROS 6:26 Iomraidhean Croise

SALMOS 29:11

Mandaj Diosca, paipaj cajcunamanca podertami cunga. Mandaj Diosca paipaj cajcunamanca sumaj causaihuanmi bendicianga.

SALMOS 37:37

Tucuita allita rurajtaca yuyariyari. Cashcata rurajtaca ricuhuayari. Sumaj causaiyuj runapajca, q'uipataca cushicunami tiyanga.

SALMOS 4:6

Achcacunamari: “¿Pitaj allicunata rurashpa ricuchingari?” nincuna. Mandaj Dioslla, cambaj achijyachij ñahuita ñucanchijman ricuchihuayari.

SALMOS 42:5

Ñuca almalla ¿ima nishpataj shaicuringuiyari? ¿Ima nishpataj ñuca ucupica yallitaj muspachinguiyari? Taita Diosta shuyailla. Paitaca alabasharajmi. Paica ñucata quishpichijmi. Ñuca Diosmi.

SALMOS 44:3

Cai allpataca mana paicunapaj espadahuan macanacushpachu japishcacuna. Paicunapaj rigrapish mana mishachircachu. Ashtahuanpish quiquinpaj alli lado rigrahuan, quiquinpaj sumaj achij nicujhuanmi mishachishcangui. Paicunapi cushicuj cashcamantami chashna rurashcangui.

SALMOS 89:15

Mandaj Dioslla, quiquinta mañajcunaca cushichishcami. Quiquinpaj ñahui achijyachishcapimi puringacuna.

ISAÍAS 26:12

Mandaj Dioslla, quiquinmi ñucanchijmanca sumaj causaita cungui. Tucui imata ñucanchij rurajpipish quiquinmi rurachishcangui.

ISAÍAS 26:3

Mandaj Dioslla, quiquinpi yuyaita churashpa chaitataj rurashpa catijtaca quiquinmi manataj pi cuyuchipaj sumaj causaipi huaquichingui. Quiquinpi shunguta churashcamantami chashna huaquichingui.

ISAÍAS 57:19

Paicunapaj shimipica: Carupi causajcunapajpish, c'uchullapi causajcunapajpish sumaj causai, sumaj causai tiyachun nishpa cantana yuyaitami paicunamanca cusha. Paicunataca ñucami alliyachisha” ninmi Mandaj Diosca.

MIQUEAS 5:5

Paimi ñucanchijmanca sumaj causaita cunga. Asiria llajta runacuna ñucanchij llajtata quichushpa, mandana huasicunatapish urmachijpica canchis michijcunata, pusaj mandajcunatami paicunata llaquichinamanca cachashun.

Lucas 2:14

“¡Jahua pachapi caj Diostaca tucuicuna alli nishca cachun! ¡Cai pachapipish pai c'uyashpalla cushcata chasquijcunaca sumaj causaita charichun!” nircacunami.

Juan 14:27

Cancunamanca ñuca sumaj causaitami cuni, sumajta causachunmi chaitaca saquini. Cai pachapaj cajcuna cushca shinaca mana cunichu. Chaimanta cancunapaj shungupica ama musparinguichijchu, ama mancharinguichijchu.

Juan 16:33

Ñucahuan shujlla cashpa sumaj causaita charichunmi, caicunataca rimarcani. Cancunaca cai pachapica llaquita apanguichijmi. Shina cajpipish cai pachata mandajtaca ñami misharcani, ñucapi shunguta churaichijlla– nircami.

Juan 20:21

Jesusca cutinllatajmi paicunataca: –¡Sumaj causai cancunahuan cachun! Ima shinami Yaya ñucata cacharca, chashnallatajmi ñucapish cancunataca cachani– nircami.

Juan 20:26

Pusaj punlla q'uipami, cutin chai yachacujcunaca, Tomasndij huasi pungucunata huichcarishca tiyacurcacuna. Jesusca pungucuna huichcashca cajllapitaj yaicushpa paicunapaj chaupipi shayarishpaca: –¡Sumaj causai cancunahuan cachun!– nirca.

Hechos 10:36

Taita Diosca shuj huillanatami israelcunamanca cacharca. Chaica Jesucristomanta sumaj causaita charina cashcata huillanami. Paica tucuicunata Mandajmi.

Hechos 2:28

Huiñai causaiman chayachij ñantapish canmi rijsichircangui. Can ñucahuan cashcamantami, yallitaj cushicuni” ninmi.

Romanos 15:13

Cancuna pai yuyailla cashca Diosllataj paipi crijcunamanca cushi canata, sumaj causaita, jundachichun. Chashna cashpami, jucha illaj Espiritupaj poderhuanca Diospi ashtahuan shunguta churanguichij.

Romanos 15:33

Sumaj causaita cuj Dios tucui cancunahuan cachun. Chashna cachun.

Romanos 5:1

Crishcamanta justificashcacuna cashpami, ñucanchijta Mandaj Jesucristomanta Dioshuan sumaj causaita charinchij.

Efesios 6:23

Dios Yayapaj, Mandaj Jesucristopaj sumaj causaipish, c'uyaj canapish, alli crij canapish huauquicunahuan cashca cachun.

Filipenses 4:7

Chashna rurajpimi pipish mana yachaipaj Diospaj sumaj causaica, cancunapaj shungucunata, cancunapaj yuyaicunatapish Cristo Jesuspi huaquichinga.

2 Tesalonicenses 3:16

Sumaj causaita cuj Mandaj Jesusllataj cancunamanca, tucuipi sumaj causaita cushpa caticuchunlla. Mandaj Jesusca tucui cancunahuan cachun.