NÚMEROS 6:24 - Dios Rimashca Shimicunami

²⁴ Mandaj Diosca cancunata alli cashca cachun nichun. Mandaj Diosca cancunata huaquichichun.

NÚMEROS 6:24 Iomraidhean Croise

GÉNESIS 28:15

Ñucaca canhuanmi cani. Can maiman rijpipish ñucami pushasha. Cantaca cai llajtallamantajmi tigrachimusha. Canman imata cusha nishcataca cushatajmi. Cantaca manataj saquishachu” nijtami muscurca.

2 SAMUEL 7:29

Cambajta rurajpaj huahua huahuacunaca huiñaita cambaj ñaupajpi cachun paicunataca can alli nichunmi rogani. Cambajta rurajpaj huahua huahuacunapaj can Mandaj Taita Dios ima shinallami rurasha nircangui, chai shinallataj can alli nishcahuanca huiñaipaj alli nishca cachun” nircami.

SALMOS 134:3

Jahua pachatapish, cai pachatapish ruraj Mandaj Diosca Sionmanta cantaca alli cashca cachun nichun.

SALMOS 17:8

Cambaj ñahui angelta shina cuidahuayari. Cambaj alas llandushca ucullapi pacahuayari.

SALMOS 28:9

Mandaj Dioslla, can agllashcacunataca quishpichihuayari. Quiquinpaj cajcunamanca allicunata cuhuayari. Paicunataca michihuayari, paicunamanca carapayari, huiñai huiñaita michihuayari.

SALMOS 91:11

Tucui cambaj ñanpi huaquichichunca, cambajmanca paipaj angelcunatamari cachanga.

ISAÍAS 27:3

“Mandaj Dios ñucami cuidaj cani. Punllapi cutin cutinmi yacutapish churasha. Pi ama llaquichichun tutai punllami cuidasha.

ISAÍAS 42:6

“Mandaj Dios ñucami cantaca cashcata ruraj cachun cayarcani. Ñucallatajmi cantaca cuidasha, cambaj maquimantami pushasha. Cantami ñuca agllashcacunahuan ñuca ari ninacushcata rurachun churasha. Llajtacunapaj luz cachunmi churasha.

DANIEL 9:17

Cunanca ñucanchij Taita Dios, quiquinpajta ruraj ñuca mañashcata, rogarishcata uyahuayari. Jatun Dios quiquinpaj shuti ama yanga cachunca, urmashca siricuj quiquinpaj huasita quiquinpaj ñahuihuan ricushpa achijyachihuai.

Juan 17:11

Ñucaca ña mana cai pachapichu cagrini. Paicunaca cai pachapirajmi saquirigrin. Ñucaca quiquinpajmanmi shamugrini. Jucha illaj Yayitu, ima shinami quiquinpish ñucapish shujlla canchij, chashnallataj paicunapish shujlla cachun. Quiquin ñucaman cushcacunataca quiquin tucuita rurai tucuj cashcahuan huaquichihuai.

1 Corintios 14:16

Espiritullapi Diosta alli nijpica, manaraj yachajca can ima nishcata mana yachashcamantaca, Diosta can pagui nijpipish ¿ima shinataj “Chashna cachun” ningari?

Efesios 6:24

Ñucanchijta Mandaj Jesucristota, mana chingarij c'uyaihuan tucui c'uyajcunamanca, mana c'uyaipajta c'uyaj canata cushca cachun. Chashna cachun.

Filipenses 4:23

Ñucanchijta Mandaj Jesucristopaj mana c'uyaipajta c'uyaj canaca, tucui cancunahuan cashca cachun. Chashna cachun.

Filipenses 4:7

Chashna rurajpimi pipish mana yachaipaj Diospaj sumaj causaica, cancunapaj shungucunata, cancunapaj yuyaicunatapish Cristo Jesuspi huaquichinga.

1 Tesalonicenses 5:23

Sumaj causaita cuj Taita Diosllataj cancunapaj espiritutapish, almatapish, cuerpotapish tucui mapa illajlla tucungacama chuyayachishpa ñucanchijta Mandaj Jesucristo shamunapajca, pi mana juchachipajta huaquichishca cachun.

1 Pedro 1:5

Cancunaca crishcamantami Diospaj maquipi huaquichishca canguichij. Pai quishpichishcata tucuri punllapi ricuchingacamami chashna huaquichishca canguichij.

Judas 1:24

Tucuita rurai tucujca paipaj achij nicuj ñaupajpi jatunta cushicushpa ricuchingapajmi, mana urmashca ima mapa illajllata huaquichicun.

RUT 2:4

Belenmanta Booz paipaj chagraman rishpaca, cozichajcunataca: –Mandaj Dios cancunahuan cachun– nijpi cozichajcunapish: –Mandaj Diosca canhuanpish cachun– nircacuna.

1 SAMUEL 2:9

Jucha illaj paipaj cajcunataca maita purinapipish paimi huaquichin. Ashtahuanpish Diosta mana manchajcunaca, amsapimari chingarin. Maijanpish quiquin fuerzallamantaca, mana imata rurai tucunchu.