NÚMEROS 6:20 - Dios Rimashca Shimicunami

²⁰ Chaicunataca Mandaj Diospaj ñaupajpi huichi ricuchishpa cuyuchishpa Diosman cura cuchun. Tucui chaicunaca Diospajlla ch'icanchishca cashcamanta curapaj saquirichun. Mandaj Diospaj ñaupajpi huichi ricuchishpa cushca pecho aichapish, changa aichapish curapajllataj saquirichun. Chai q'uipaca nazareoca vinota ubyachunlla.

NÚMEROS 6:20 Iomraidhean Croise

ECLESIASTÉS 9:7

Can imallata rurashcamantaca Diosca cushicushcamari. Cushicushpa cambaj micunata micuilla, cushi shunguhuan cambaj vinota ubyailla.

ISAÍAS 25:6

Tucuita Mandaj Diosca, cai urcupimi tucuicunapaj fuerzata cuj shuj jatun micuita ruranga. Alli aichahuan ñutcundij sumaj jatun micuitami ruranga. Tucuimanta yalli alli vinohuanmi canga.

ISAÍAS 35:10

Mandaj Dios quishpichishcacunaca Sionmanca cushicushpami tigrangacuna. Paicunapaj uma jahuapica manataj tucurij cushicuimi tiyanga. Paicuna cushicuihuan yallitaj cushicuihuan cajpica llaquipish, aij nicunapish miticushpami ringa.

LEVÍTICO 10:15

Cushpa rupachina huiracunatapish Diosman ch'icanyachishpa cuna changa aichatapish, huichi ricuchishpa cuyuchishpa cuna pecho aichatapish apamuchuncuna. Chaicunaca Mandaj Dios mandashca shinallataj cambajpish, cambaj huahua huahuacunapish japicuchunlla mandashcami– nircami.

LEVÍTICO 23:11

Chai gavillata huichi ricuchishpa cuyuchishpa Mandaj Diosman cura cujpimi, cancunataca chasquinga. Chai gavillataca samana punlla cayandijta huichi ricuchishpa cuyuchichun.

LEVÍTICO 7:30

Diospaj ñaupajpi cushpa rupachingapaj cucushpaca paipaj quiquin maquihuan Mandaj Diosman cuchun. Chai huirataca pecho aichandij cuchun. Chai pecho aichataca Mandaj Diospaj ñaupajpi huichi cuyuchishpa cushca cachun apamuchun.

LEVÍTICO 7:31

Chai huirataca altar jahuapi cura rupachichun. Pecho aichaca Aaronpaj, paipaj churicunapajmi canga.

LEVÍTICO 7:32

Sumaj causaimanta Mandaj Diosman cushca animalcunapaj alli lado changa aichataca, cura japina cashcamanta paiman cuchun.

LEVÍTICO 7:34

Sumaj causaimanta israelcuna cushca animalta huañuchishca pecho aichata huichi ricuchishpa cushcatapish, cuna cashcamanta cushca changa aichatapish cushcacunataca ñucami japircani. Chaicunataca ñuca japishpami Aarón curaman paipaj churicunaman curcani. Cai mandashcacunaca israelcunapaj huahua huahuacuna chaitataj pajtachicuchunlla mandashcani”.

LEVÍTICO 9:21

Pecho aichacunataca alli lado changa aichandijmi Mandaj Diosman huichi ricuchishpa cuyuchishpa Mandaj Diosman cushca cachun Mandaj Diospaj ñaupajpi huichi ricuchishpa cuyuchirca. Chaitaca Mandaj Dios Moisesta mandashca shinallatajmi rurarca.

ZACARÍAS 10:7

Efrainpaj huahua huahuacunaca, c'ari c'ari macanacujcuna shinami canga. Paicunaca vinota ubyashpa cushicuj shinami cushicunga. Chaita ricushpaca, paicunapaj churicunapish cushicungacunami. Paicunaca Mandaj Dioshuan cashcamantami, achcata cushicungacuna.

ZACARÍAS 9:15

Paicunataca, tucuita Mandaj Diosmi huaquichinga. Paicunata p'iñajcunataca huañuchingacunami. Huaracahuan shitana rumicunatapish sarungacunami. Yahuartapish vinota shinami ubyangacuna. Chaimantaca machashcacuna shinami caparirishpa puringacuna. Jatun tazapi, altarpi tiyaj gachucunapi shinami jundachingacuna.

ZACARÍAS 9:17

Paicunapaj c'uyaica achcami canga, paicunaca sumaj ñahui runacunami canga. Trigoca mosocunata, vinoca solteracunatami cushichinga.

NÚMEROS 18:18

Chai aichaca, Diosman ricuchishpa cuyuchishpa cushca pecho aichapish, alli lado changa aichapish cambajmi canga.

NÚMEROS 5:25

Chai q'uipaca juchallishcamanta cushca cutata chai huarmipaj maquimanta cura japishpa, Mandaj Diospaj ñaupajpi huichi ricuchishpa cuyuchishpa altarman apachun.

NÚMEROS 6:21

Nazareo tucushpa Diospajlla ch'icanyarishpa Diospajllata rurashpa pajtachina tucushcamanta pajtachijca, cai mandashcapi tucui imalla nicushcata rurachun. Chai jahuapish imata ashtahuan Diosman cui tucushpaca cuchunlla. Chaitaca nazareo tucushpa Diospajllata rurangapaj ch'icanyarishcacunata mandashcapi nicushca shinataj pajtachichun nishpa mandangui” nircami.

Mateo 26:29

Cancunataca cashnami nini. Ñuca Yaya mandacujpi mushujta ubyangacama, uvasmanta capishca vinotaca cunanmanta pacha mana cancunahuan ubyashachu– nircami.

Marcos 14:25

Taita Dios mandacujpi mushujta ubyangacama, uvamanta capishca vinotaca cutinca mana ubyashachu. Chashnatajmi canga– nircami.

Juan 19:30

Jesusca vinagreta ubyashpaca: –¡Ña tucuchishcami!– nishpaca, umata huarcushpa paipaj espirituta Taita Diosman mingashpa huañurcallami.