NÚMEROS 6:2 - Dios Rimashca Shimicunami

² “Israelcunataca cashna ni: C'ari cashpapish huarmi cashpapish, nazareo tucushpa Mandaj Diospajta rurangapaj ch'icanyarishpaca,

NÚMEROS 6:2 Iomraidhean Croise

ÉXODO 33:16

Can mana ñucanchijhuan rijpica ¿ima shinataj ñucapish can agllashca israelcunapish canpi shunguta churashpa ashtahuan cambaj munaita rurashunyari? Chashna cajpimi ñucanchijca shujtaj llajtacunamanta ñucanchijtaca ch'icanyachishca cashcata yachashun– nircami.

PROVERBIOS 18:1

Pandarishpa causajcunaca quiquin yuyashcallatami rurashpa causan. Tucui imapipish satirishpami purin.

JEREMÍAS 35:6

Shina nijpica, paicunaca cashnami nircacuna: “Ñucanchijca vinotaca mana ubyai tucunchijchu. Recabpaj churi Jonadab shuti ñucanchij ñaupa yayamari ñucanchijtaca cashna mandashca: Cancunapish, cancunapaj huahua huahuacunapish tucui causaipi amataj vinota ubyanguichijchu.

LEVÍTICO 20:26

Mandaj Dios ñucaca ima jucha illaj cashcamanta, cancunapish ima jucha illajlla canguichij. Ñucami cancunataca ñucapaj cachun shujtaj llajtacunamanta ch'icanchimurcani.

LEVÍTICO 27:2

“Israelcunataca cashna nishpa mandai: Mandaj Diosman manapish cui tucuipajta cushatajmi nishpaca, chaimanta llujshingapajca runata llujshichinapaj mashnata cuna cashcata cashna rurachun:

NÚMEROS 30:3

Maijan soltera cashpapish paipaj yayapaj huasipi causacushparaj, Mandaj Diospajta rurana tucushpa pajtachinataj tucungachari.

NÚMEROS 6:1

Mandaj Dios Moisesta mandashpaca cashnami nirca:

Lucas 1:15

Paica Dios alli nishcami canga. Vinotapish, sidratapish mana ubyangachu. Mamapaj huijsamanta pachami jucha illaj Espirituhuan junda canga.

Hechos 18:18

Pabloca Corintollapitajmi achca punllacunacama saquirirca. Chai q'uipaca crijcunata shujtaj punllacama nishpaca Priscilandij, Aquilandij Siriaman barcopi manaraj rishpami, Cencreapi ajchata rutuchirca. Taita Diospajta rurasha nishcata ña pajtachishcata ricuchingapajmi chashna rurarca.

Romanos 1:1

Jesucristopajta ruraj, apóstol cachun cayashca, Taita Diospaj alli huillaita huillachun ch'icanchishca Pablomi cani.

2 Corintios 6:16

Dios causana huasica, rurashcalla dioscunahuanca mana shuj shinalla cai tucunchu. Cancunamari causacuj Dios causana huasi canguichij. Diosllatajmi, cashna nirca: “Ñucaca paicunapurapimi causasha, purisha. Ñucaca paicunapaj Diosmi casha, paicunaca ñuca agllashcacunami cangacuna” nishcami.

Gálatas 1:15

Ashtahuanpish mamapaj huijsapi cajpirajmi, Diosca pai munashcamanta ch'icanchirca. Paipaj mana c'uyaipajta c'uyaihuanmi ñucataca cayarca.

Hebreos 7:27

Jesusca curacunata jatun pushaj caishuj curacuna shinaca mana canchu. Chai curacunaca punllantami paicunapaj juchacunamantaraj Diosman cushpa rupachincuna. Chai q'uipami shujtajcunapaj juchacunamanta Diosman cushcacunataca rupachincuna. Ashtahuanpish Jesusca, paillatajmari shuj cutinlla tucuicunapaj juchacunamanta Diosman curishpa huañurca.

JUECES 13:14

Uvamanta imata rurashcatapish, vinotapish, sidratapish mana ubyanachu. Imapish mapami nishcatapish mana micunachu. Tucui ñuca mandashcacunataca pajtachichun– nircami.

JUECES 13:4

Cunanmantaca vinotapish, sidratapish ama ubyangui. Imapish mapami nishcatapish ama micungui.

JUECES 13:5

Chichushpa shuj c'ari huahuatami huachangui. Paica huachari pachamanta Diospaj nazareomi canga. Chaimanta paipaj uma ajchataca mana p'itichishcami canga. Paimi israelcunataca filisteocunapaj maquimanta quishpichinga” nirca.

JUECES 16:17

Dalila huarmimanca pai imamanta chashna cashcata paipaj shungullapi yachashcataca: –Ñuca ajchataca nunca mana p'itishcami cani. Ñucaca mamapaj huijsamantapachami Diospaj nazareo cani. Ñuca ajchata p'itijpica ñuca fuerzaca ñucamanta anchunmanllami, tucui caishuj runacuna shinallatajmi caiman– nirca.

1 SAMUEL 1:28

Chaimanta ñucapish cai huahuataca pai Mandaj Diosmanmi cuni. Paica tucui paipaj causaipimi Mandaj Diospaj canga– nirca. Chaipimi paica Mandaj Diosta adorarca.