NÚMEROS 6:19 - Dios Rimashca Shimicunami

¹⁹ Chai q'uipaca carneropaj changa aicha yanushcata, canastamanta levadura illajlla shuj tandata, levadura illajlla shuj tortillata cura japishpa nazareopaj maqui jahuapi churachun. Diospajlla huiñachishca ajchata rutuchishca q'uipa chashna rurachun.

NÚMEROS 6:19 Iomraidhean Croise

LEVÍTICO 7:28

Mandaj Diosca Moisesta mandashpaca cashnapishmi nirca:

LEVÍTICO 7:30

Diospaj ñaupajpi cushpa rupachingapaj cucushpaca paipaj quiquin maquihuan Mandaj Diosman cuchun. Chai huirataca pecho aichandij cuchun. Chai pecho aichataca Mandaj Diospaj ñaupajpi huichi cuyuchishpa cushca cachun apamuchun.

LEVÍTICO 8:27

Tucui chaicunataca Aaronpaj, paipaj churicunapaj maquipimi churarca. Mandaj Diosman cushca cachunmi Mandaj Diospaj ñaupajman huichi ricuchishpa cuyuchichirca.

LEVÍTICO 8:31

Moisesca Aaronta, paipaj churicunatapish: “Mandaj Dioshuan tupana carpa huasi pungupi aichata t'imbuchishpa, chaipi Mandaj Diospajlla cachun ch'icanyachicuipi cushca canasta tandahuan chai aichataca micunguichij. Ñuca ima shinalla mandashca shinallatajmi: Aaronpish, paipaj churicunapish micungacuna nircami.

NÚMEROS 6:2

“Israelcunataca cashna ni: C'ari cashpapish huarmi cashpapish, nazareo tucushpa Mandaj Diospajta rurangapaj ch'icanyarishpaca,

1 SAMUEL 2:15

Huirasapa aichata altarpi rupachishpa cucujpipish manaraj rupachijpimi, curapajta ruraj runa shamushpaca: “Cusana aichata curapaj apangapaj cui. Curaca yanushca aicha cajpica mana chasquinchu, chahua cajllapimi chasquin” nij carca.