NÚMEROS 6:18 - Dios Rimashca Shimicunami

¹⁸ Nazareo tucushpa pajtachijca Diospajta rurangapaj ch'icanyarishcata ricuchij ajchataca Dioshuan tupanacuna carpa huasi pungupi rutuchichun. Diospajlla cashca ajchata rutuchishcata japishpaca, sumaj causaimanta Diosman cushcata rupachicun ninapi rupachichun.

NÚMEROS 6:18 Iomraidhean Croise

NÚMEROS 6:17

Mandaj Dioshuan alli cangapaj cushca carnerotaca, levadura illajlla canasta tandacunahuan Mandaj Diosman cuchun. Granocunatapish, tallina vinotapish chashnallataj Mandaj Diosman cuchun.

NÚMEROS 6:5

Nazareo tucushpaca Mandaj Diospajta rurangapaj ch'icanyarishca punllacuna pajtangacama paipaj uma ajchata ama rutuchichun. Mandaj Diospajlla ch'icanyarishca cashcamanta uma ajcha huiñachun saquichunlla.

NÚMEROS 6:9

Cungaimanta maijanpish paipaj c'uchupi huañujpica, Diospajta rurangapaj ch'icanyarishpa nazareo tucushcapaj uma ajchaca mapayangami. Chashna tucushpaca, canchis punllacama maillarishpa, canchis punllapica ajchata rutuchichun.

Lucas 17:10

Cancunapish, Taita Dios tucui mandashcacunata rurashpaca: “Ñucanchijca alli servijcunaca mana canchijchu, imata rurana cashcallatami rurarcanchij” ninami canguichij– nircami.

Hechos 18:18

Pabloca Corintollapitajmi achca punllacunacama saquirirca. Chai q'uipaca crijcunata shujtaj punllacama nishpaca Priscilandij, Aquilandij Siriaman barcopi manaraj rishpami, Cencreapi ajchata rutuchirca. Taita Diospajta rurasha nishcata ña pajtachishcata ricuchingapajmi chashna rurarca.

Hechos 21:23

Cunanca ñucanchij nishcata rurai. Ñucanchijpurapica chuscu runacunami, Taita Diospajta rurashun nishcata pajtachishun nicuncuna.

Hechos 21:24

Paicunata pushashpa, paicunahuan maillarigri. Paicunapaj ajchata rutuchishcamanta cunapajpish cungui. Imallamanta paicunamanta cuna cashcata paicuna cuchunpish paicunaman cungui. Chashna rurajpica, tucuicunami canmanta imallata uyashcataca mana chashnachu cashca ningacuna. Paipish Moisés Mandashcataca pajtachicushcallatajmi ningacunami.

Hechos 21:26

Chai cayandij punllaca Pabloca chai runacunata pushashpami maillarigrirca. Paicunandij ña maillarishpaca, maillarina punllacuna ima punlla tucurina cashcata, chai runacunamanta Taita Diosman cuna cashcata ima punlla cuna cashcatapish curacunaman huillangapajmi Taita Diospaj huasiman yaicurcacuna.

Efesios 1:6

Paipaj sumaj mana c'uyaipajta c'uyaj cashcata alabachunmi, paipaj c'uyashca Churimanta ñucanchijtaca chasquirca.