NÚMEROS 5:3 - Dios Rimashca Shimicunami

³ Chashnacunataca c'aricunatapish, huarmicunatapish llujshichishpa cachaichij. Cancunapaj chaupipi ñuca causacunta ama mapayachichunmi cancuna causacun carpa huasimanta caruman churana canguichij” nircami.

NÚMEROS 5:3 Iomraidhean Croise

1 REYES 7:3

Chaipica quimsa fila pilarcunami carca. Cada filami chunga pichca, chunga pichca pilarcunata charirca. Tucuimantaca chuscu chunga pichca pilarcunami carca. Chai pilarcuna jahuapimi, caishuj pilarmanta caishuj pilarcama racu caspicunata quinriman quinriman sirichishpa chai jahuataca cedro tablacunata churarca.

SALMOS 68:18

Taita Dios, jahuamanmi huichiyarcangui. Prezu cajcunataca quiquinhuanmi pusharcangui. Runacunamantami aichayuj tucurcangui. C'ariyajcunamantami aichayuj tucurcangui. Mandaj Dioslla paicunapurapi causangapajmi chashna rurarcangui.

ÉXODO 25:8

Tucui chaicunahuan ñucapajlla shuj carpa huasita ruraichij. Chaipimi ñucaca paicunapaj chaupipi causasha.

ÉXODO 29:45

Ñucaca israelcunapaj chaupipimi causasha. Ñucaca paicunapaj Diosmi casha.

ISAÍAS 12:6

Siónpi causajcuna, cushicuichigari, cantaichigari. Israelcunapaj jucha illaj Diosca cambaj chaupipica jatunmari” ninguichijmi.

LEVÍTICO 14:8

Lepra ungüimanta alliyashpa ima mapa illajlla tucujca, paipaj churanata tajshashpa, uma ajchatapish tucuita rutushpa yacuhuan armashpa ima mapa illajlla saquirichun. Chai q'uipaca carpa huasicuna tiyanman yaicushpapish, paipaj carpa huasi ucumanca ama yaicushpa canchis punllacunata canllallaman saquirichun.

LEVÍTICO 15:31

Israelpaj huahua huahuacunataca mapamanta chuyayachirashpa charinguichij. Paicunapaj chaupipi caj ñuca carpa huasita paicunapaj mapahuan mapayachishcamanta ama huañuchunmi chashna chuyata charina canguichij” nircami.

NÚMEROS 16:3

Tucui chaicuna tandanacushpa Moisestapish, Aarontapish p'iñashpa jatarishpami: –¡Cancunaca yallitajmi tucunguichij, ña chailla saquichij! Tucui israelcunami jucha illajcuna. Mandaj Diosca paicunapaj chaupipimi. Chashna cajpica Mandaj Diospaj tandanacushcacunapaj jahuapica ¿ima nishpataj yallitaj jatun tucushpa mandacunguichijlla?– nircacuna.

NÚMEROS 19:22

Mapayashca runa ima charinacunapi tuparijpica, tucui chaicunami mapa canga. Mapayashca runapi tuparijpish tutayangacama mapami canga” nircami.

NÚMEROS 35:34

Cancuna causacun llajtataca ama mapayachinguichijchu. Chai llajta chaupipimi, ñucaca causani. Mandaj Dios ñucaca israelcunapaj chaupipimi causani” nircami.

NÚMEROS 5:4

Israelcunaca chashnataj rurashpami: Paicuna causacun carpa huasicunamanta caruman churarca. Mandaj Dios Moisesta ima shina mandashca shinallatajmi rurarca.

DEUTERONOMIO 23:14

Mandaj Dios cancunapaj Taita Diosca cancunata quishpichingapaj, cancunata p'iñajcunata cancunapaj ñaupajpi churangapajmi carpa huasicuna chaupipi puricun. Chaimantami cancunapaj carpa huasicuna tiyanca ima mapa illaj cana can. Cancunapaj chaupipi ima mapata mana ricushpaca paica cancunapaj chaupimantaca mana anchungachu.

DEUTERONOMIO 23:15

Amopajta ruraj cancunapajman miticushpa rijpica, ama paipaj amoman tigrachinguichijchu.

2 Tesalonicenses 3:6

Ashtahuanpish huauquicuna, ñucanchijta Mandaj Jesucristopaj shutipimi cancunataca cashna mandanchij. Ñucanchij yachachishcata chasquishca shina mana purishpa, maipish cachun purij huauquicunamanta anchurichij.

Tito 3:10

Tandanacushca crijcunata maijanpish chaupijpica, shuj cutin mana cashpaca ishqui cutin cunajpi mana cazujpica, paitaca llujshichishpa cachangui.

Apocalipsis 21:27

Chaimanca ima mapa, millanayajta rurajcunapish, llullacunapish manataj yaicungacunachu. Ashtahuanpish causanaman rinata ricuchij Ovejapaj libropi shutita quillcashcacunallami chaimanca yaicungacuna.

Apocalipsis 21:3

Cielomanta cashna nishpa sinchita caparijtami uyarcani: “Diospaj carpa huasica cunanca tucui gentecunahuanmi. Paicunahuanmi causanga paicunaca Diospaj huahuacunami canga. Paicunapaj Diostaj cashcamantaca, paitajmi paicunahuan canga.