NÚMEROS 5:29 - Dios Rimashca Shimicunami

²⁹ Maijan huarmipish mana paipaj cusapajlla tucushpa shujtaj c'arihuan mapayashcamanta cusa juchachijpi imallata ruranata mandashcaca chaicunami.

NÚMEROS 5:29 Iomraidhean Croise

EZEQUIEL 33:26

Cancunaca espadahuan huañuchijcuna, millananata rurajcuna, shujtajpaj huarmihuan huainayashpa mapayachijcunami canguichij. Chashna mana allita rurajcunaca ¿maitataj cai llajtataca japinguichigari? ninmi ningui.

LEVÍTICO 11:46

Tucui cai mandashcacunaca, tucui animalcunamanta, alasyuj animalcunamanta, cuchapi causaj animalcunamanta, huijsahuan llucashpa purij animalcunamanta,

LEVÍTICO 13:59

Chai mandashcacunaca millma churanapi cashpa, lino churanapi cashpa, urdishca puchcapi cashpa, ahuashcapi cashpa, caramanta rurashca ima charinacunapi cashpapish mapayashca ricurijpica, lepra mapa ungüi cashcata mana chai cashcata ima shinalla ricunata yachachishcacunami.

LEVÍTICO 7:11

Alli causaimanta Mandaj Diosman ima shina cunata mandashcaca caimi:

NÚMEROS 5:12

Israelcunataca cashna nishpa mandai: Maijanpaj huarmipish paipaj cusapi mana shunguta churashpa, paipaj cusata umacungachari.

NÚMEROS 5:15

Chashna cashpaca, paipaj huarmita curapajman pushachun. Chai huarmimanta Diosman cungapajca shuj efata chungapi chaupishca shuj mirga cebada cutata apachun. Juchachishcamanta cushca cashcamanta chai jahuapica aceitetapish ama tallichun, inciensotapish ama churachun. Chai cushcaca, juchata Dios ricuchichun cushcami canga.

NÚMEROS 5:19

Chai huarmita cura alli alli tapushpa cashna nichun: Canhuan pi mana dormishca cajpi, cambaj cusapi mana shunguta churashpa mana umashca cajpi, can mana mapayashca cajpica, juchamanta llaquichij cai jayaj yacuca cantaca mana llaquichingachu.

NÚMEROS 5:28

Ashtahuanpish chai huarmi manapish juchayuj, chuya cashpaca, ima mana tucungachu. Huahuacunatapish ashtahuan charingallami.

NÚMEROS 5:30

Mana cashpaca, maijan cusapish paipaj huarmi mana alli cajpi shujtajhuan causacushcata yuyashpa juchachina yuyai shamujpica, cusaca paipaj huarmitaca Mandaj Diospaj ñaupajman apachun. Chaipica curami, chai mandashcapi nishca shina ruranga.