NÚMEROS 5:25 - Dios Rimashca Shimicunami

²⁵ Chai q'uipaca juchallishcamanta cushca cutata chai huarmipaj maquimanta cura japishpa, Mandaj Diospaj ñaupajpi huichi ricuchishpa cuyuchishpa altarman apachun.

NÚMEROS 5:25 Iomraidhean Croise

ÉXODO 29:24

Aaronpaj maquicunapipish, paipaj churicunapaj maquicunapipish churangui. Paicunaca chaicunataca Mandaj Diosman caiman chaiman cuyuchishpa cushca cachunmi caiman chaiman cuyuchishpa cunga.

LEVÍTICO 8:27

Tucui chaicunataca Aaronpaj, paipaj churicunapaj maquipimi churarca. Mandaj Diosman cushca cachunmi Mandaj Diospaj ñaupajman huichi ricuchishpa cuyuchichirca.

NÚMEROS 5:15

Chashna cashpaca, paipaj huarmita curapajman pushachun. Chai huarmimanta Diosman cungapajca shuj efata chungapi chaupishca shuj mirga cebada cutata apachun. Juchachishcamanta cushca cashcamanta chai jahuapica aceitetapish ama tallichun, inciensotapish ama churachun. Chai cushcaca, juchata Dios ricuchichun cushcami canga.

NÚMEROS 5:18

Mandaj Diospaj ñaupajpi shayacuj huarmitaca chaipi shayacujllapitajmi, curallataj umata llatanashpa, maquicunapica juchata Dios ricuchichun cushca cutata churanga. Chaica juchamanta cushca cutami. Juchamanta llaquita apamuj jayaj yacutaca cura paipaj maquipi charichun.

NÚMEROS 5:24

Juchamanta llaquita apamuj jayaj yacutaca chai huarmiman ubyachichun. Juchallishca cajpi llaquichij yacuta ubyajpica, juchamanta jayajyachingapajmi yaicunga.

NÚMEROS 5:26

Chai cutamanta cura shuj lutsajta japishpa altarpi rupachichun. Mandaj Dios chai huarmita yuyarichunmi chashna ruranga. Jayaj yacuta cura chai huarmiman ubyachishca q'uipaca,