NÚMEROS 5:18 - Dios Rimashca Shimicunami

¹⁸ Mandaj Diospaj ñaupajpi shayacuj huarmitaca chaipi shayacujllapitajmi, curallataj umata llatanashpa, maquicunapica juchata Dios ricuchichun cushca cutata churanga. Chaica juchamanta cushca cutami. Juchamanta llaquita apamuj jayaj yacutaca cura paipaj maquipi charichun.

NÚMEROS 5:18 Iomraidhean Croise

PROVERBIOS 5:4

Ashtahuanpish q'uipataca ajenjotapish yalli jayajmi. Ishqui filo espadatapish yalli chugrichijmi.

ECLESIASTÉS 7:26

Caitapishmi ricurcani: Trampa shina, urmachij linchi shina shunguta charij, c'uyaj tucushpa ugllarij huarmica huañuitapish yalli jayajmi. Diosta cushichij runaca, chashna huarmipaj maquimantaca quishpirinmi. Ashtahuanpish millaita ruraj runaca, chai huarmihuanca linchipi shina urmangallami.

ISAÍAS 38:17

Ñucapaj allipajmi cai llaquicunaca ñucapajman shamurca. Jutcupi ñuca ismugrinamantaca quiquin ñucata causachunraj munashcamantami quishpichircangui. Ñuca tucui juchacunataca cambaj huashamanmi shitarcangui.

JEREMÍAS 2:19

Cancunapaj juchallatajmi llaquichinga. Ñucata mana cazushca juchallatajmari cancunataca llaquipi churanga. Chaipimi cancunaca ñuca cancunata Mandaj Diosmanta anchurinapish, ñucata mana cazunapish, yallitaj mana alli cashcata, llaqui tucuna cashcata yachanguichij. Tucuita Mandaj Jatun Diostajmi chashna nini.

LEVÍTICO 13:45

Lepra caracha ungüihuan cajca: Lliqui churanacunata churarishpa, umatapish mana ch'ungullishpa, ñahuitapish mana taparishpa, ¡Mapami cani, mapami cani! nishpa caparirichun.

NÚMEROS 5:15

Chashna cashpaca, paipaj huarmita curapajman pushachun. Chai huarmimanta Diosman cungapajca shuj efata chungapi chaupishca shuj mirga cebada cutata apachun. Juchachishcamanta cushca cashcamanta chai jahuapica aceitetapish ama tallichun, inciensotapish ama churachun. Chai cushcaca, juchata Dios ricuchichun cushcami canga.

NÚMEROS 5:17

Chai q'uipaca allpamanta rurashca vasopi Diospajlla ch'icanchishca asha yacuta cura japishpa, Diospaj carpa huasi ucu pambamanta ñutu allpatapish japishpa, chai yacuhuan chagruchun.

NÚMEROS 5:19

Chai huarmita cura alli alli tapushpa cashna nichun: Canhuan pi mana dormishca cajpi, cambaj cusapi mana shunguta churashpa mana umashca cajpi, can mana mapayashca cajpica, juchamanta llaquichij cai jayaj yacuca cantaca mana llaquichingachu.

NÚMEROS 5:22

Juchamanta llaquichij cai jayaj yacuta ubyajpica cambaj huijsataca p'unguichingami. Cambaj changataca tandachingami nichun. Shina nijpica chai huarmica: Chashna cachun, chashna cachun nichun.

1 Corintios 11:15

Ashtahuanpish huarmipajca, paipaj ajcha sunita huiñachun saquinaca sumajmari. Ch'ungurinapaj randimi ajchataca curca.

1 Corintios 11:6

Umata mana ch'ungurij huarmica, ajchata tucuita p'itichichun. P'itichinata, mana cashpaca lluchuta rutuchinata pinganachishpaca, umata ch'ungurichun.

DEUTERONOMIO 29:18

Cancunapurapica maijan c'ari cashpa, huarmi cashpa, maijan familia cashpa, maijan aillu cashpapish cunan cai Mandaj Dios ñucanchij Taita Diosmanta anchurishpa, chai llajtacunapaj dioscunapaj ruranacunata rurajcuna ñataj tucunguichijman. Chaita rurashpaca cancunaca hiel shina, ajenjo shina jayaj sapiyuj yura shinami tucunguichij.

Hebreos 13:4

Cazaranaca tucuicuna alli nishca cachun. Paicuna chayarinacunapish chuya cachun. Ashtahuanpish apanacushpa causajcunata, huainayajcunataca Diosmi paicuna ima shina cashcataca ricuchinga.

1 SAMUEL 15:32

Chai q'uipami Samuelca: –Amaleccunata jatun mandaj Agagta caiman apamuichij– nirca. Agagca Samuelpajman shamucushpaca: “Ñucataca ña mana huañuchinchu” nishpami cushicuihuan shamurca.