NÚMEROS 4:5 - Dios Rimashca Shimicunami

⁵ Israelcuna causacushcamanta shujtaj ladoman rina tucujpica, Aaronhuan, paipaj churicunahuan shamushpa, Diospaj carpa huasita jarcachishca linsota pascashpa, chaihuanca Dioshuan ari ninacushca quillcata huaquichina arcata pilluchichun.

NÚMEROS 4:5 Iomraidhean Croise

1 CRÓNICAS 15:15

Chai q'uipami levitacunaca Mandaj Dios mandajpi Moisés mandashca shinallataj, chai arcataca huanduna caspicunapi churashpa paicunapaj rigra jahuapi apamurcacuna.

1 CRÓNICAS 23:26

Chaimanta levitacunaca Diospaj carpa huasitapish, paipajta ruranapaj caj charinacunatapish ña mana ashtahuan caiman chaiman apacunachu canga” nishcami carca.

2 CRÓNICAS 3:14

Shinallataj chai ucuta jarcachingapajca, azul linsohuan, morado linsohuan, amsa linsohuan, lino linsocunahuanmi cortinacunata rurachirca. Chai linsocunapipish querubincunatami puchcacunahuan bordachirca.

ÉXODO 36:35

Chai jarcachinataca azul millmahuan, morado millmahuan, amsa puca millmahuan, caupushca linohuanmi rurarca. Chaitaca querubincunayujta bordashpami ahuarca.

ÉXODO 40:3

Dioshuan ari ninacushca quillcata huaquichina arcata chai ucupi churashpa chai ucutaca linsohuan jarcachingui.

ÉXODO 40:5

Inciensota rupachina curi altartaca, Dioshuan ari ninacushca quillcata huaquichina arca ñaupajpi churangui. Diospaj carpa huasiman yaicuna pungupica cortinata churangui.

ISAÍAS 25:7

Mandaj Diosca cai urcupimi, tucuicunapaj ñahuita tapashca linsotaca anchuchinga. Tucui llajtacunapaj ñahuita tapashca linsotapish anchuchingami.

LEVÍTICO 16:2

Mandaj Diosca Moisestaca: “Cambaj huauqui Aaronman cashna huillai: Ama huañungapajca linsohuan jarcachishpa ñucapajlla ch'icanchishca ucuman, arca jahuapi caj propiciatorio ñaupajmanca ima punllapish ama yaicunguichu. Ñucami chai propiciatorio jahuapi p'uyu chaupipi ricurisha.

NÚMEROS 10:14

Judá aillupaj bandera ucupi caj soldadocunami tucuicuna paicunata ima shina rinata mandashca shinallataj ñaupashpa ri callarircacuna. Judá aillupaj soldadocunataca, Aminadabpaj churi Naasonmi pusharca.

NÚMEROS 4:15

Israelcuna shujtajman rina tucujpica Diospajlla ch'icanchishca huasita, chai ucupi tucui imalla charinacunata Aarón, paipaj churicunandij ña tucui pilluchijpica, Coatpaj huahua huahuacuna chaicunata apanaman c'uchuyachun. Ashtahuanpish Diospajlla cajtaca imata ama tuparichun. Diospajlla cajta tuparishpaca huañungami. Dioshuan tupanacuna carpa huasipi imalla cajcunata Coatpaj huahua huahuacuna apanaca chaicunami.

NÚMEROS 4:4

Dioshuan tupanacuna carpa huasipi caj Diospajlla ch'icanchishca ucupi cajcunata Coatpaj huahua huahuacuna imallata cuidanaca caicunami:

NÚMEROS 7:9

Coatpaj huahua huahuacunamanca Diospajlla ch'icanchishcacunataca paicunapaj rigra jahuallapi apana cashcamantami carrocunatapish, huagracunatapish mana curca.

Mateo 27:51

Chaipica, Diospaj huasi ucupi jarcachishca linsoca, jahuamanta urimanmi chaupita lliquirirca. Allpapish chujchurcami, jatun rumicunapish chaupirircami.

DEUTERONOMIO 31:9

Moisesca tucui cai mandashcata quillcashpami, Mandaj Dioshuan ari ninacushca quillcata huaquichina arcata apaj levita curacunamanpish, tucui israelcunata cunaj yuyajcunamanpish curca.

Hebreos 10:20

Jarcachishca linsota pascashpami, causaiman pushaj mushuj ñanta ñucanchijpaj rurarca. Chai linsota nishpaca, paipaj aichatami nisha nin.

Hebreos 9:3

Chai ucullapitaj linsohuan jarcachishca caishuj ucuca Diospajlla ashtahuan ch'icanchishca ucu nishcami carca.

1 SAMUEL 6:19

Bet-semes pueblopi causajcunataca, Mandaj Diospaj arca ucuta ricushcamantami huañuchirca. Paicunaca 50.070mi huañurcacuna. Chai achcacunata Mandaj Dios huañuchijpimi, chaipi causajcunaca jatunta llaquirishpa huacarcacuna.