NÚMEROS 4:34 - Dios Rimashca Shimicunami

³⁴ Moisespish, Aaronpish, tandanacushca israelcunata pushajcunahuan tucushpami, Coatpaj huahua huahuacunataca, cada yayamanta ima shina mirarimushca shinallatataj cada familiata yuparca.

NÚMEROS 4:34 Iomraidhean Croise

1 CRÓNICAS 23:24

Tucui chaicunami Levipaj huahua huahuacuna carca. Paicunapaj ñaupa yayacunamanta mirarimushca huahua huahuacunata, quiquin familiacunata mandajcunata yupashpaca, ishqui chunga huata yallita charijcunamanta huichimanmi shuticunata quillcarcacuna. Paicunami Diospaj huasipi imalla rurana cashcapi trabajajcuna carca.

NÚMEROS 1:4

Cancunahuanca cada aillumanta shuj pushaj cachun. Chaicunaca cada yayacunapaj huasi ucupuracunata pushaj cachun.

NÚMEROS 3:27

Coatmanta mirarishcacunaca: Amramitacuna, izharitacuna, hebronitacuna, uzielitacunami. Coatmanta mirarishcacunaca chaicunami carca.

NÚMEROS 4:33

Meraripaj huahua huahuacunaca, Dioshuan tupanacuna carpa huasipica tucui chaicunata apajcuna cachun. Paicunapish Aarón curapaj churi Itamar ima shina yachachishpa mandashca shina rurachuncuna” nircami.

NÚMEROS 4:35

Quimsa chunga huatata charijmanta huichiman, pichca chunga huatacama charijcunata Dioshuan tupanacuna carpa huasipi ruranacunata rurai tucuipajcunallatami quillcarca.