NÚMEROS 4:33 - Dios Rimashca Shimicunami

³³ Meraripaj huahua huahuacunaca, Dioshuan tupanacuna carpa huasipica tucui chaicunata apajcuna cachun. Paicunapish Aarón curapaj churi Itamar ima shina yachachishpa mandashca shina rurachuncuna” nircami.

NÚMEROS 4:33 Iomraidhean Croise

ÉXODO 38:21

Diospaj carpa huasitapish, Dioshuan ari ninacushca quillcata huaquichina carpa huasitapish imallahuan rurashcata yupashcami. Chaitaca Aarón curapaj churi Itamarta Moisés mandajpimi, Itamarca levitacunata mandajpi paicunaca imalla yaicushcata yuparcacuna.

ISAÍAS 3:6

Chashna yallitaj jatun llaqui cajpimi, paipaj yayapaj huasipi maijan shujtajta maquipi japishpaca: Canca churanata charinguimi. Can ñucanchijta jatun mandaj tucui. Cai llajta jatun llaqui tucushpa urmashcataca can allichi ninga.

NÚMEROS 4:28

Gersonpaj huahua huahuacunaca, Dioshuan tupanacuna carpa huasipica tucui chaicunata rurachuncuna. Paicunaca Aarón curapaj churi Itamar ima shina yachachishpa mandashca shina rurachuncuna.

NÚMEROS 4:32

Diospaj carpa huasi canlla muyundij pilarcunata, chai pilarcunata shayachina basacunata, ishtacacunata, chaicunata huatana huascacunata, chaipi tucui imalla tiyajcunata, tucui imalla ministirishcacunata apanaca chaicunami. Paicuna imallata apana cashcataca, cada quiquinman shutipi shutipi ricuchishpa mingangui.

NÚMEROS 4:34

Moisespish, Aaronpish, tandanacushca israelcunata pushajcunahuan tucushpami, Coatpaj huahua huahuacunataca, cada yayamanta ima shina mirarimushca shinallatataj cada familiata yuparca.

NÚMEROS 7:8

Meraripaj huahua huahuacunamanpish, imallata apaj cashca shinami, chuscu carrocunata, pusaj huagracunata curca. Paicunaca Aarón curapaj churi Itamar mandashca shinami rurajcuna carca.

JOSUÉ 3:6

Chai q'uipaca curacunatami Josueca: “Dioshuan ari ninacushca quillcata huaquichina arcata apashpa, israelcunata ñaupashpa richij” nijpi curacunaca chai arcata apashpa israelcunata ñaupashpa rircacuna.