NÚMEROS 4:18 - Dios Rimashca Shimicunami

¹⁸ “Coatpaj aillu familiacunataca, levitacunapuramanta chingarichun ñataj saquinguichijman.

NÚMEROS 4:18 Iomraidhean Croise

ÉXODO 19:21

Chaipimi Mandaj Diosca Moisestaca: –Caimanta uriyashpa, israelcunataca cashna ni: Mandaj Diosta ricungapaj cai ñuca ricuchishcata ñataj pasanguichijman. Chaita pasajcunaca achcacunami huañunga.

ÉXODO 30:33

Maijanpish cai aceite shinallatataj rurashpa maijan maijanpish runapi churajca israelcunapuramanta anchuchishcami canga ni” nircami.

ÉXODO 30:38

Maijanpish can rurashca shina inciensota mutquingapaj rurajca israelcunapuramanta anchuchishcami canga” nircami.

JEREMÍAS 38:23

Cambaj tucui huarmicunatapish, huahuacunatapishmi caldeocunaca caimanta llujshichishpa apangacuna. Canpish paicunapaj maquimantaca manataj quishpiringuichu. Ashtahuanpish Babilonia llajtata jatun mandajpaj maquipi japi tucunguitajmi. Cai pueblopish tucui rupachishca cangatajmi– nircami.

NÚMEROS 16:32

Chaipimi allpaca paipaj shimita pascashpa Coré runatapish, tucui paihuan cajcunatapish, paicuna imalla charishcacunandij, paicunapaj huasicunandij millpurca.

NÚMEROS 17:10

Mandaj Diosca, Moisestaca cashnami nirca: “Aaronpaj tauna caspitaca Dioshuan ari ninacushca quillcata huaquichina arca ñaupajllapitaj cachun churai. Diosta c'ariyajcunaca chai tauna caspita ricushpa Diostaca mana c'ariyanalla cashcata yuyarinapajmi canga. Chashna rurashpami, ñuca ñaupajpi juchachishpa cancunata rimacujcunataca upallachingui. Chaimi paicunaca mana huañungacuna” nircami.

NÚMEROS 18:5

Israelcunapaj jahuaman Dios p'iñarishpa llaquichina ama shamuchunca, Diospajlla ucupi imalla rurana cashcatapish, altarpi imalla rurana cashcatapish cancunalla rurashpami cuidana canguichij.

NÚMEROS 3:27

Coatmanta mirarishcacunaca: Amramitacuna, izharitacuna, hebronitacuna, uzielitacunami. Coatmanta mirarishcacunaca chaicunami carca.

NÚMEROS 4:17

Mandaj Diosca Moisestapish, Aarontapish mandashpaca cashnami nirca:

NÚMEROS 4:19

Diospajlla cajcunaman paicuna c'uchuyashpa ama huañuchunca caita ruranguichij: Aarón, cambaj churicunahuan tucushpa levitacunata pushashpa cada quiquin imallata rurana cashcapi, imallata apana cashcapi churanguichij.

1 SAMUEL 6:19

Bet-semes pueblopi causajcunataca, Mandaj Diospaj arca ucuta ricushcamantami huañuchirca. Paicunaca 50.070mi huañurcacuna. Chai achcacunata Mandaj Dios huañuchijpimi, chaipi causajcunaca jatunta llaquirishpa huacarcacuna.