NÚMEROS 4:16 - Dios Rimashca Shimicunami

¹⁶ Aarón curapaj churi Eleazarca: Lamparacunapi churana aceiteta, mishquijllata ashnacuj inciensota, punllanta Diosman cunata, Diospajlla cachun ch'icanchina aceiteta ricuj cachun. Diospaj carpa huasitapish, chaipi imalla tiyajcunatapish, Diospajlla ucutapish, chaipi imalla tiyajcunatapish pai cuidachun” nircami.

NÚMEROS 4:16 Iomraidhean Croise

ÉXODO 25:6

lamparapi churashpa rupachina aceiteta, imata Diospajlla ch'icanyachina aceiteta ruranata, mishquijllata ashnacuj inciensota ruranapaj chagruna jambicunatapish japinguichij.

ÉXODO 30:22

Mandaj Diosca Moisestaca cashnapishmi nirca:

ÉXODO 31:11

Diospajlla cachun ch'icanyachina aceitetapish, Diospaj carpa huasipi churana mishquijllata ashnaj inciensotapish paicunami ñuca canta mandashca shinataj tucuita rurangacuna” nircami.

ÉXODO 37:29

Diospajlla cachun ch'icanchina aceitetapish, mishquijllata ashnaj ashtahuan alli inciensotapishmi rurarca. Chaitaca mishquijllata ashnaj jambicunata ruranata yachaj rurashcatapish yalli mishquijllaman ashnacujtami rurarca.

LEVÍTICO 24:1

Mandaj Diosca Moisesta mandashpaca:

LEVÍTICO 24:2

“Israelcunataca lamparapi tutai punlla ninata japichingapaj, olivocunata tacashpa llujshichishca ashtahuan alli aceiteta apamuchun mandai.

LEVÍTICO 6:20

“Aarontapish, paipaj churicunatapish cura cachun aceitehuan churai punllapi Diosman cunaca caimi: Shuj efamanta chungapi chaupishca shuj mirga cutamanta Mandaj Diosman cuchun. Chaitaca chaupitaca tutamantaman, chaupitaca chishi cuchun. Punllanta chashna cucuchunlla.

NÚMEROS 3:32

Levitacunata pushajca, Aarón curapaj churi Eleazarmi carca. Diospajlla huasita cuidajcunata mandajpish paillatajmi carca.

NÚMEROS 4:17

Mandaj Diosca Moisestapish, Aarontapish mandashpaca cashnami nirca:

Lucas 4:18

“Jatun Diospaj Espirituca, ñuca jahuapimi. Ñucataca huajchacunaman alli huillaita huillachun, shungupi llaquirishpa huañucujcunata alliyachichun, prezupi cajcunata cacharichichun, mana ricujcunata ricujta rurachun, llaquichishca causacujcunata cacharichichunmi cacharca.

Hechos 20:28

Mandaj Jesusca paipaj yahuarta jichashpami cancunataca randirca. Chaimanta cancunallatajpish alli cuidaringuichij. Cancunaman mingashca ovejacunatapish alli cuidanguichij. Cancunataca Taita Diospaj tandacushca crijcunata michij obispo cachunmi, jucha illaj Espirituca churarca.

1 Corintios 4:1

Chaimanta ñucanchijtaca, Cristopajta rurajcuna cashcata, Diospaj pacallapi cajta alli ricushpa yachachichun mingashcacuna cashcata yuyaichij.

1 Timoteo 2:5

Shujlla Diosmi tiyan. Runacunamanta Dioshuan, Diosmanta runacunahuan rimajpish shujllami: Paica, runa aichayuj Jesucristomi.

Hebreos 3:1

Chaimanta jucha illaj huauquicuna, paipajlla cachun Dios cayashcacunami canguichij. Cristo Jesustaca apóstol, curacunata jatun pushaj, ñucanchij crishpa catina cashcata yuyaichij.

Hebreos 3:6

Ashtahuanpish Cristoca, Diospaj Churi cashpami, Diospaj huasi ucupurataca tucuita mandacun. Chaimanta tucuringacama sinchi, chai yuyailla cushicuihuan catishpaca, chai huasica ñucanchijmi canchij.

1 Pedro 2:25

Cancunaca chingarishca ovejacuna shinami carcanguichij. Ashtahuanpish cunanca cancunapaj almacunata Michijpajman Obispopajmanmi tigrashcanguichij.

1 Pedro 5:2

Dios cancunaman mingashca canlla ovejacunataca alli michichij, ama cuidachun nishcallamanta cuidaichijchu. Ashtahuanpish Dios munashca shina cuidanata munashcamanta cuidaichij. Cullquita japinga raicullaca ama ruraichijchu. Ashtahuanpish ama q'uillashpalla ruraichij.