NÚMEROS 4:15 - Dios Rimashca Shimicunami

¹⁵ Israelcuna shujtajman rina tucujpica Diospajlla ch'icanchishca huasita, chai ucupi tucui imalla charinacunata Aarón, paipaj churicunandij ña tucui pilluchijpica, Coatpaj huahua huahuacuna chaicunata apanaman c'uchuyachun. Ashtahuanpish Diospajlla cajtaca imata ama tuparichun. Diospajlla cajta tuparishpaca huañungami. Dioshuan tupanacuna carpa huasipi imalla cajcunata Coatpaj huahua huahuacuna apanaca chaicunami.

NÚMEROS 4:15 Iomraidhean Croise

2 SAMUEL 15:24

Sadocpish Dioshuan ari ninacushcata huaquichina arcata apaj tucui levitacunandijmi ch'imbarca. Dioshuan ari ninacushca quillcata huaquichina arcataca Abiatarpaj c'uchupi tiyachishpami ch'imbarcacuna. Tucuicuna chai pueblomanta llujshishca q'uipami Abiatarpish chai arca c'uchumanta huichiyarca.

2 SAMUEL 6:13

Diospaj arcata apajcuna sujta tatquita purijpimi, Davidca shuj huagrata, huirayashca carnerotapish Diosman cushpa huañuchirca.

1 REYES 8:3

Israelcunata cunaj yuyajcuna ña tucuicuna chayajpica, curacunaca Diospaj arcata apangapaj japishpaca,

1 CRÓNICAS 15:15

Chai q'uipami levitacunaca Mandaj Dios mandajpi Moisés mandashca shinallataj, chai arcataca huanduna caspicunapi churashpa paicunapaj rigra jahuapi apamurcacuna.

1 CRÓNICAS 15:2

Chaipimi Davidca: “Diospaj arcataca pipish mana apanallachu. Levitacunallami apai tucun. Mandaj Diospaj arcata apachunpish, tucui paicunapaj causaipi paipajta rurachunpish Mandaj Diosca paicunatami agllashca” nircami.

1 CRÓNICAS 23:26

Chaimanta levitacunaca Diospaj carpa huasitapish, paipajta ruranapaj caj charinacunatapish ña mana ashtahuan caiman chaiman apacunachu canga” nishcami carca.

ÉXODO 19:12

Cai urcuman paicuna ama huichiyachunca, urcu muyundijta maicamalla paicuna c'uchuyana cashcata ricuchishpa cashna ni: Cai urcumanca ama huichiyanguichijchu. Maicama c'uchuyai tucushcata ricuchishcamanpish ama c'uchuyanguichijchu. Maijanpish cai urcuman c'uchuyajca huañungatajmi ningui.

ÉXODO 19:21

Chaipimi Mandaj Diosca Moisestaca: –Caimanta uriyashpa, israelcunataca cashna ni: Mandaj Diosta ricungapaj cai ñuca ricuchishcata ñataj pasanguichijman. Chaita pasajcunaca achcacunami huañunga.

ÉXODO 27:7

Maimanpish apacujpi huandunalla cachun chai caspicunataca altar ishqui ladopi churashca argollacunapi pasachishpa churashca cachun.

LEVÍTICO 16:13

Chaiman yaicushpaca, mishquijllata ashnacuj chai inciensiotaca nina rupacun jahuapi churashpa Mandaj Diospaj ñaupajpi churachun. Aarón ama huañuchunmi mishquijllata ashnacuj chai inciensio cushnica Mandaj Dioshuan shuj yuyailla tucushcata ricuchij quillcata huaquichina arca jahuapi caj propiciatoriota tapanga.

NÚMEROS 1:50

Ashtahuanpish levitacunataca Dioshuan ari ninacushca quillcata huaquichina carpa huasita, chaipi Diospajta ruranapaj imalla charinacunata, chai carpa huasipi tucui imalla tiyajcunatapish ricuchun churangui. Diospaj carpa huasita, chaipi tucui imalla tiyajcunatapish paicunami apajcuna canga. Tucui chaicunata rurashpami Diospajta rurangacuna. Paicunaca Diospaj carpa huasi muyundijpi paicunapaj carpa huasicunata shayachishpa causachuncuna.

NÚMEROS 1:51

Diospaj carpa huasita shujtajman apana tucujpica, levitacuna pascashpa apachun. Diospaj carpa huasita ña maipi shayachina tucujpica, paicuna shayachichun. Manapish levita caj c'uchuyashpaca huañungami.

NÚMEROS 10:21

Chai q'uipaca, Coatpaj huahua huahuacunami, Diospajlla carpa huasi ucupi imalla tiyajcunata apashpa catircacuna. Paicuna chayanapajca, ñaupashpa rij levitacunaca, ñami Diospaj carpa huasitaca shayachishpa shuyacurcacuna.

NÚMEROS 18:3

Levitacunaca can mandashcallata rurachuncuna. Diospaj carpa huasitapish tucuita cuidachun. Shina cashpapish Diospajta ruranapaj caj imalla charinacunaman, altarmanpish ama c'uchuyachun. Cancunapish, paicunapish ama huañungapajmi chashna rurana canguichij.

NÚMEROS 3:38

Diospajlla huasi ñaupaj ladoman, Dioshuan tupanacuna carpa huasi ñaupaj lado, inti llujshin ladomanca Moisés, Aarón, Aaronpaj huahua huahuacunami paicunapaj carpa huasicunata shayachishpa tiyarijcuna carca. Paicunaca Diospajlla huasitami israelcunapaj randi chaipi cuidajcuna carca. Shujtajcuna chaiman yaicushpaca, huañunami carca.

NÚMEROS 4:14

Chai jahuapica Diosman cunapaj imalla minishtirishcacunataca: Palacunata, garfio nishca quimsa puntayujcunata, braserocunata, tasacunata, altarpi imallata ruranapaj caj tucuicunata churashpa, chai jahuataca tejoncunapaj cara tapahuan tapachishpa, altarta apana caspicunata churachichun.

NÚMEROS 4:19

Diospajlla cajcunaman paicuna c'uchuyashpa ama huañuchunca caita ruranguichij: Aarón, cambaj churicunahuan tucushpa levitacunata pushashpa cada quiquin imallata rurana cashcapi, imallata apana cashcapi churanguichij.

NÚMEROS 4:20

Paicunaca Diospajlla cajcunata pilluchicujpi ricunaman ama yaicuchun. Chaiman yaicushpaca huañungacunami” nircami.

NÚMEROS 7:9

Coatpaj huahua huahuacunamanca Diospajlla ch'icanchishcacunataca paicunapaj rigra jahuallapi apana cashcamantami carrocunatapish, huagracunatapish mana curca.

DEUTERONOMIO 31:9

Moisesca tucui cai mandashcata quillcashpami, Mandaj Dioshuan ari ninacushca quillcata huaquichina arcata apaj levita curacunamanpish, tucui israelcunata cunaj yuyajcunamanpish curca.

JOSUÉ 4:10

Diospaj arcata apacuj curacunaca, Mandaj Dios Josueta imallata mandashca shina israelcuna chai tucuita rurangacamami yacu purina chaupipi shayacurcallacuna. Josueta Moisés imallata mandashca shinallatajmi tucuita rurarcacuna. Tucui israelcunami chai Jordán yacutaca utca ch'imbarcacuna.

1 SAMUEL 6:19

Bet-semes pueblopi causajcunataca, Mandaj Diospaj arca ucuta ricushcamantami huañuchirca. Paicunaca 50.070mi huañurcacuna. Chai achcacunata Mandaj Dios huañuchijpimi, chaipi causajcunaca jatunta llaquirishpa huacarcacuna.