NÚMEROS 36:6 - Dios Rimashca Shimicunami

⁶ Mandaj Diosca Zelofehadpaj ushushicunataca cashnami mandan: Paicunaca paicuna munashcahuan cazarachunlla. Ashtahuanca paicunapaj yayapaj aillupurallataj cachun.

NÚMEROS 36:6 Iomraidhean Croise

GÉNESIS 24:3

ñuca churi Isaactaca, ñuca causacun cai Canaán llajtapi causaj huarmicunapurahuan cazarachun mana saquinata jahua pachata, cai pachata Mandaj Taita Diospaj ñaupajpi ari ni.

1 CRÓNICAS 23:22

Eleazarca churicunata manataj charishpami huañurca. Ushushicunallatami charirca. Chai ushushicunataca paicunapaj yayapaj huauqui Cispaj churicunami paicunapaj huarmi cachun japircacuna.

NÚMEROS 27:7

“Zelofehadpaj ushushicunaca paicuna japina cashcallatatajmi mañacuncuna. Paicunapaj yaya japina cashcataca paicunapaj yayapaj huauquicuna japishca allpamanta chaupishpa chai ushushicunaman cuichij.

NÚMEROS 36:12

Zelofehadpaj ushushicuna Josepaj churi Manasespaj familiamanta mirarishcapuracunallapitaj cazarajpimi, paicunapaj yayamanta japishca allpaca paicunapaj yayapaj aillupurallapitaj saquirirca.

NÚMEROS 36:5

Chaimi, Moisesca Mandaj Dios ima shinalla mandashca shina israelcunata cashna mandarca: –Josepaj ailluca allillatatajmi nin.

2 Corintios 6:14

Cancunaca mana crijcunahuanca, yugushca shinaca ama tandanacuichijchu. Cashcata ruranaca, mana cashcata ruranahuanca mana tandanacunchu. Luzca, amsahuanca mana chagrurinchu.