NÚMEROS 36:4 - Dios Rimashca Shimicunami

⁴ Ashtahuanpish ñucanchij israelcunapurapi allpacunata ñaupaman charicujllamantaj tigrachina huata chayajpicarin, chai huarmicuna japishca allpaca paicunapaj cusacunapaj japishca allpahuanmari shuj cutin paicunapajtaj tucunga. Chaipica ñucanchij ñaupa yayacunapaj aillucunamanta japishca allpaca ashtahuanmari p'ichillayashpa catinga– nircacunami.

NÚMEROS 36:4 Iomraidhean Croise

ISAÍAS 61:2

Mandaj Dios quishpichinata munashca huata chayamushcata huillachun, mana cazujcunata ñucanchij Taita Dios llaquichina cashcata huillachun, tucui llaquilla causacujcunata cushichichunpishmi cacharca.

LEVÍTICO 25:23

Allpaca ñucapaj cashcamanta, nunca mana tigrachinapajca mana c'atui tucunguichijchu. Cancunaca chai allpapica shujtaj llajtamanta purij runa shinalla, shujtaj llajtamanta shamushcalla shinami canguichij.

LEVÍTICO 25:8

Cada canchis huatapi samarishca huatacunataca, canchis huatacama yupashcaca semana huata nishcami tucunga. Semana huatacuna canchista tandachishpa yupajpica, chuscu chunga iscun huatacunami canga.

NÚMEROS 36:3

Ashtahuanpish chai huarmicuna caishuj Israel aillupuracunapi cajhuan cazarajpica, ñucanchij yayacunamanta chai huarmicuna japishca allpacunataca caishuj aillu israelcunamari quichushpa mirachinga. Chashna rurajpica ñucanchij yayamanta japishca allpacunaca ashallamari tucunga.

NÚMEROS 36:5

Chaimi, Moisesca Mandaj Dios ima shinalla mandashca shina israelcunata cashna mandarca: –Josepaj ailluca allillatatajmi nin.