NÚMEROS 34:8 - Dios Rimashca Shimicunami

⁸ Hor urcumantaca, Hamatman yaicunacama señalangui. Chai lindeca Zedadman chayajtami canga.

NÚMEROS 34:8 Iomraidhean Croise

2 SAMUEL 8:9

Hamat pueblota jatun mandaj Toica, Hadad-ezerpaj tucui soldadocunata David mishashcata uyashpami,

1 REYES 8:65

Chai punllacunallatajmi Salomonca yallitaj achca tandanacushca tucui israelcunahuan canchis punllata fiestata rurarca. Paicunaca Hamat puebloman yaicunamanta callarishpaca, Egiptopi caj jatun yacucama causajcunami ñucanchij Mandaj Diospaj ñaupajpi tandanacurcacuna. Shujtaj canchis punllacunatapishmi fiestata rurarcacuna. Tucuimantaca chunga chuscu punllacunatami fiestata rurarcacuna.

2 REYES 14:25

Jeroboamca israelcunata Mandaj Dios paipajta ruraj Jonasman huillachishca shinallatajmi Israel llajtapaj lindecuna maillata cashcataca Hamat pueblo yaicunamanta callarishpaca, Arabá cuchacama allichishpa israelcunapajllataj cachun churarca. Jonasca Amitaipaj churi Gat-hefer pueblomanta profetami carca.

1 CRÓNICAS 1:16

arvadeo, zemareo, hamateo nishcacunami carca.

1 CRÓNICAS 13:5

Shina nijpica, Davidca Diospaj arcata Quiriat-jearimmanta apamugringapajca, Egipto llajtahuan tupanacunpi caj Sihor pueblopi causajcunamanta callarishpaca, Hamat puebloman yaicuna c'uchucunapi causajcunacamami tucui israelcunata tandachirca.

ISAÍAS 10:9

Calno pueblopish ¿manachu Carquemis pueblo shinallataj? Hamat pueblopish ¿manachu Arfad pueblo shinallataj? Samaria pueblopish ¿manachu Damasco pueblo shinallataj?

JEREMÍAS 39:5

Shina cajpipish, caldeo soldadocuna catishpaca, Jericó shuti pambapimi Sedequiastaca japircacuna. Chaipi japishpaca, Hamat llajtapi caj Ribla shuti pueblomanmi, Babilonia llajtata jatun mandaj Nabucodonosorpajman pusharcacuna. Chaiman chayachijpimi, paita ima shinalla llaquichinata mandarca.

AMÓS 6:14

Chaimanta israelcunalla, tucuita Mandaj Diosca cashnami nin: “Cancunataca shujtaj llajtami llaquichishpa mandanga. Paicunaca janaj Hamat pueblomantaca, ura Arabá llajtapi tiyaj yacu rina larcacamami mandanga” ninmi.

NÚMEROS 13:21

Paicuna rishpaca, chai llajtataca Zin nishca shitashca pambamanta callarishpa, Hamatman yaicuna c'uchullapi caj Rehob shuti pueblocamami rijsishpa ricurcacuna.

NÚMEROS 34:9

Chaimantaca Zifroncama cachun. Chai lindeca Hazar-enanpi tucurichun. Chaica janaj lado lindemi.