NÚMEROS 34:4 - Dios Rimashca Shimicunami

⁴ chai lindeca ura ladota muyushpa rishpaca, Acrabim huichicama. Chaimantaca Zin nishca shitashca pambata pasashpa, ura ladollatataj Cades-barneaman chayajta. Chaimantaca Hasar-adar pueblota pasashpa, Asmoncama.

NÚMEROS 34:4 Iomraidhean Croise

NÚMEROS 13:21

Paicuna rishpaca, chai llajtataca Zin nishca shitashca pambamanta callarishpa, Hamatman yaicuna c'uchullapi caj Rehob shuti pueblocamami rijsishpa ricurcacuna.

NÚMEROS 13:26

Paicunaca Parán shuti shitashca pambapi caj Cades pueblomanmi tigrarcacuna. Chaipimi Moisespaj, Aaronpaj, tandanacushca israelcunapaj ñaupajpi chai llajta ima shina cashcata huillashpa, chai llajtapi p'ucushca granocunatapish ricuchirca.

NÚMEROS 20:1

Tandanacushca tucui israelcunaca huatapaj punta quillapimi Zin nishca shitashca pambaman chayashpa, Cades shuti pueblopi carpa huasicunata shayachishpa tiyarirca. Moisespaj pani Mariaca chaipimi huañurca. Paitaca chaillapitajmi pambarcacuna.

NÚMEROS 32:8

Cades-barneapi cashpa chai llajtata ricunaman cachajpi tigrashpaca cancunapaj yayacunapish chashnallatajmi rurarca.

NÚMEROS 34:3

Ura ladotaca, Zin nishca shitashca pambamanta callarishpaca, Edom llajtapaj lindecunacama. Inti llujshin ladotaca Cachisapa Cucha c'uchuta catishpa,

JOSUÉ 15:1

Judá aillupajpish sorteajpica, tucui cai llajtacunami paicunapaj urmarca: Inti huashicun ladotaca, Edom llajtahuan tupanacuncama, ura ladotaca Zin nishca shitashca pambatami carca. Paicunamanca mashna familia cashcata ricushpa causana pajtatami curca.

JUECES 1:36

Amorreocunapaj lindeca Acrabim huichimantaca, Sela pueblomanta jahuacamami carca.