NÚMEROS 34:19 - Dios Rimashca Shimicunami

¹⁹ Chai pushajcunapaj shuticunaca caicuna cachun: Judapaj aillumantaca Jefonepaj churi Caleb.

NÚMEROS 34:19 Iomraidhean Croise

GÉNESIS 29:35

Leaca cutinllataj chichushpa shujtaj c'ari huahuata huachashpaca: “Cunanca Mandaj Diostami alabasha” nishpami, chai huahuataca Judata shutichirca. Chai q'uipaca Leaca, ña mana ashtahuan huacharcachu.

GÉNESIS 35:22

Yaya Israel ña chaipi causacujpimi, Rubenca paipaj yayapaj Bilha shuti caishuj huarmipajman rishpa paihuan dormirca. Chaitaca yaya Israelca yachaj chayarcami. Yaya Israelpaj churicunaca chunga ishquimi carca.

GÉNESIS 35:23

Leahuan charishca churicunaca caicunami: Punta churica Rubén. Q'uipa churica Simeón, Leví, Judá, Isacar, Zabulón shutimi carcacuna.

SALMOS 60:7

Galaad llajtaca ñucapajmi. Manasés llajtaca ñucapajmi. Efraín llajtaca ñuca umata pacajmi. Judaca ñuca mandana varami.

NÚMEROS 13:30

Shina nijpipish Calebca, Moisespaj ñaupajpi cajcunata upallachishpami: –Paicunata yalli c'ari c'aricunaca ñucanchijmari canchij. Chashna cashcamanta chai llajtata japingapaj huichiyashunchij– nirca.

NÚMEROS 13:4

Rijsinaman rijcunapaj shuticunaca caicunami: Rubenpaj aillumantaca, Zacurpaj churi Samúa.

NÚMEROS 13:6

Judapaj aillumantaca, Jefonepaj churi Caleb.

NÚMEROS 14:24

Ashtahuanpish ñucapajta ruraj Calebllatami caishujcuna shina mana yuyashpa ñucata catishcamanta pai rijsimushca llajtamanca yaicuchisha. Paipaj huahua huahuacunapish chai llajtata japishpa chaipimi causangacuna.

NÚMEROS 14:30

Ñuca maquita alzashpa chai llajtapi cancuna causachun cushatajmi nishca llajtamanca, cancunapuramanta shujllapish mana yaicunguichijchu. Jefonepaj churi Calebhuan, Nunpaj churi Josuellahuanmi chai llajtamanca yaicunga.

NÚMEROS 14:38

Chai llajtata ricushpa rijsimuchun cachashcapuracunamantaca Nunpaj churi Josuehuan, Jefonepaj churi Calebllahuanmi mana huañurcacuna.

NÚMEROS 14:6

Canaán llajtata rijsishpa tigramujcunapuramantaca, Nunpaj churi Josuehuan, Jefonepaj churi Calebllahuanmi yallitaj llaquirishpa paicunapaj churanacunata lliquirishpa,

NÚMEROS 26:65

Paicunataca Mandaj Diosmi: “Cai shitashca pambapimi huañungacuna” nishca carca. Mandaj Dios huañungami nishcacunaca tucuicunami huañurcacuna. Jefonepaj churi Calebhuan, Nunpaj churi Josuellahuanmi saquirirca.

NÚMEROS 34:18

Chai allpata israelcunaman chaupishpa cungapajca israelcunapaj cada aillucunata mandajcunatapish cayachun.

DEUTERONOMIO 1:36

Jefonepaj churi Calebllami chai llajtamanca yaicunga. Paillami chaitaca ricunga. Ñucami pai maillata purimushca llajtataca paiman, paipaj huahuacunaman cusha. Pailla Mandaj Diospi shunguta churashpa catishcamantami chaimanca yaicunga nircami.

DEUTERONOMIO 33:7

Judata alli cashca canguichijman nishpaca cashnami nirca: “Mandaj Dioslla, Judá mañashcata uyahuayari. Paipaj huauquicunapajman tandachihuayari. Paicunapaj maquihuanmi mitsarincuna. Paicunata p'iñajcunata mishachunca quiquinmi ayudaj cangui” nircami.