NÚMEROS 33:4 - Dios Rimashca Shimicunami

⁴ Israelcuna llujshimucui punllaca egipciocunaca Mandaj Dios paicunapaj punta churicunata huañuchishcatami pambacurcacuna. Chashna rurashpami Mandaj Diosca egipciocunapaj dioscunaca yangalla cashcata ricuchirca.

NÚMEROS 33:4 Iomraidhean Croise

SALMOS 105:36

Paipaj llajtapi cajcunapaj punta huacharishca churicunatami huañuchirca. Paipaj llajtapi cajcunapaj punta fuerzahuan charishca churicunatami huañuchirca.

ÉXODO 12:12

Chai tutaca Egipto llajtatami puricusha. Chai llajtapi causajcunapaj punta huacharishcacunataca gentecunapajtapish, animalcunapajtapish punta huacharishca c'ari huahuacunataca tucuitami huañuchisha. Chashnami egipciocunapaj dioscunaca yangalla cashcata, ñucaca Mandaj Diostaj cashcata ricuchisha.

ÉXODO 18:11

Paicuna imahuanmi jatun tucushpa llaquichicurca chaillahuantajmi paicunatapish llaquichishpa israelcunata cacharichirca. Cunantajca Mandaj Diosca tucui dioscunamanta yalli tucuita rurai tucuj, jatun cashcatami yachani– nircami.

ISAÍAS 19:1

Egipto llajta ima tucuna cashcataca cashnami huillachishca: Mandaj Diosca callpacuj p'uyupi tiyarishcami Egiptomanca yaicunga. Egiptopi tiyaj rurashcalla dioscunaca paipaj ñaupajpimi chujchungacuna. Egipciocunapish tucuicunami manchaihuan huañucungacuna.

SOFONÍAS 2:11

Mandaj Diosca, paicunahuanca jatuntami p'iñaringa. Chaimanta cai pachapi tiyaj dioscunataca tucuitami chingachinga. Tucui llajtacunapi causajcunaca, tucuicunallatajmi paicuna maipi cashcallapitaj Diostaca cunguringacuna.

NÚMEROS 3:13

Punta huacharishcacunaca tucuicunami ñucapaj. Egiptocunapaj punta churicunata huañuchi punllamanta pachami, israelcunapaj punta churicunataca ñucapaj cachun ch'icanchircani. Israelpica punta huacharishca churicunapish, punta huacharishca animalcunapish ñucapajmi. Mandaj Dios ñucami chashna nini” nircami.