NÚMEROS 33:2 - Dios Rimashca Shimicunami

² Moisesca Mandaj Dios mandashca shinami israelcuna maimanta llujshimushcata, maillata shamushcata quillcarca. Paicuna maimanta llujshimushca, maillata shamushcaca cashnami:

NÚMEROS 33:2 Iomraidhean Croise

ÉXODO 17:14

Mandaj Diosca Moisestaca: –Caicunataca yuyarinapaj cachun shuj libropi quillcai. Cai amaleccunamantaca ima yuyarina ama tiyachun tucuimi cai pachamanta chingachigrini ninmi Mandaj Diosca nishpa Josueman huillai– nircami.

NÚMEROS 10:13

Israelcunaca, Mandaj Dios Moisesta ima shinalla rina cashcata mandashca shinaca, chaipimi punta cutin ri callarircacuna.

NÚMEROS 10:6

Chai shinallataj tocashca cutinllataj uyarijpica, ura ladoman causacujcuna rinalla tucushpa shayarichuncuna. Paicuna puri callarichunpish chai shinallataj tocachuncuna.

NÚMEROS 33:1

Israelcuna Egiptomanta llujshimushpa, maillapi carpa huasicunata shayachishpa shamushcaca cashnami: Paicunaca cada aillumi soldadocuna shina cada mirga, mirga Moiseshuan, Aaronhuan mandashca shamurca.

NÚMEROS 33:3

Israelcunaca Egiptopi caj Ramesés pueblomantaca, huata callari punta quillapi, chai quillapaj chunga pichca punllapimi llujshimurcacuna. Paicunaca Pascua cayandij punllami tucuita rurai tucuj maquihuan llujshichijpi egipciocuna ricucujllapitaj llujshimurcacuna.

DEUTERONOMIO 1:2

Horeb urcumanta, Seir urcuta rishpa Cades-barneamanca chunga shuj punlla purimi carca.

DEUTERONOMIO 10:11

Chaipimi Mandaj Diosca ñucataca: Paicunapaj ñaupa yayacunaman ñuca cushatajmi nishca llajtaman rishpa, paicunapaj cachun japigrichun paicunataca ima shina rinalla tucuchun ruragri nirca.