NÚMEROS 33:16 - Dios Rimashca Shimicunami

¹⁶ Sinaí shuti shitashca pambamanta rishpaca, Kibrot-hataavaman chayashpami, carpa huasicunata shayachishpa tiyarircacuna.

NÚMEROS 33:16 Iomraidhean Croise

NÚMEROS 10:33

Israelcunaca Mandaj Diospaj urcumanta rishpaca, quimsa punllacunatami purircacuna. Maipi carpa huasicunata shayachinata mashcashpami, quimsa punllata purishpa Mandaj Dioshuan ari ninacushca quillcata huaquichina arcata israelcunapaj puntapi apashpa ñaupashpa purircacuna.

NÚMEROS 11:34

Micushpapish mana amijcunata chaipi pambashcamantami, chai pambataca Kibrot-hataava shutita shutichirca.

NÚMEROS 11:4

Israelcunahuanca mana israelcunapishmi chagru carca. Paicunaca micunallatami yuyarcacuna. Chaimantami israelcunapish micunallata yuyashpa cashna nishpa huacarcacuna: “Caipica ¿pitaj aichata micuchun cungari?

NÚMEROS 33:17

Kibrot-hataavamanta rishpaca, Hazerotman chayashpami, carpa huasicunata shayachishpa tiyarircacuna.

DEUTERONOMIO 1:6

“Mandaj Dios ñucanchij Taita Diosca Horeb urcupimi ñucanchijmanca cashna nirca: Cancunaca cai urcupica ñami unita canguichij.