NÚMEROS 33:1 - Dios Rimashca Shimicunami

¹ Israelcuna Egiptomanta llujshimushpa, maillapi carpa huasicunata shayachishpa shamushcaca cashnami: Paicunaca cada aillumi soldadocuna shina cada mirga, mirga Moiseshuan, Aaronhuan mandashca shamurca.

NÚMEROS 33:1 Iomraidhean Croise

SALMOS 105:26

Chaimanca paipajta ruraj Moisestami cacharca. Pai agllashca Aarontapishmi cacharca.

SALMOS 77:20

Quiquinpaj cajcunataca ovejacunata shinami pushamurcangui. Moisespaj, Aaronpaj maquihuanmi pushamurcangui.

ÉXODO 12:37

Israelcunaca Ramesés pueblomanta llujshishpaca, Sucot pueblomanmi rircacuna. Paicunaca huahuacunata mana yupashcami chaquillahuan rij 600.000 runacuna carca.

ÉXODO 12:41

Ña 430 huatacuna pajtai punllami, Mandaj Dios agllashcacunaca soldadocuna shina mirga mirgapi ch'icanchishca Egiptomanta tucuicuna llujshircacuna.

ÉXODO 12:51

Mandaj Diosca chai punllallatajmi pai agllashca israelcunataca, soldadocunata shina mirga mirgapi ch'icanchishcata Egiptomanta llujshichirca.

ÉXODO 13:18

Taita Diosca israelcunataca shitashca pambata Puca Cuchaman rina ñanta muyuchishpami pusharca. Israelcunaca Egiptomantaca tucuicunami soldadocuna shina mirga mirgapi ch'icanchishca huichiyarcacuna.

ÉXODO 6:26

Aaronpish, Moisespish tucui chai huahua huahuacunapurallatajmi carcacuna. Paicunatami Mandaj Diosca: “Cancunami Egipto llajtamantaca israelcunataca soldadocunata shina mirga mirgata ch'icanchishpa llujshichinguichij” nircami.

MIQUEAS 6:4

Ashtahuanpish Egipto llajtapi huatashca shina causacujtaca ñucamari llujshichircani. Cancunata pushamuchunca Moisesta, Aaronta, Mariatami cacharcani.

NÚMEROS 33:2

Moisesca Mandaj Dios mandashca shinami israelcuna maimanta llujshimushcata, maillata shamushcata quillcarca. Paicuna maimanta llujshimushca, maillata shamushcaca cashnami:

JOSUÉ 24:5

Chaimanta llujshichingapajca Moisesta, Aaronta cachashpami, Egiptopi causajcunataca jatunta llaquichishpa, cancunataca paicunapaj chaupimanta llujshichimurcani.

1 SAMUEL 12:8

Egiptoman Jacob yaicujpi cancunapaj ñaupa yayacunata llaquichijpi paicuna Mandaj Diosta caparishpa mañajpimi, Mandaj Diosca Moisesta, Aaronta cachashpa, cancunapaj ñaupa yayacunataca Egiptomanta llujshichishpa cai llajtapi churarca.