NÚMEROS 32:3 - Dios Rimashca Shimicunami

³ –Riquichigari, Atarot, Dibón, Jazer, Nimra, Hesbón, Eleale, Sebam, Nebo, Beón shuti llajtacunapi causajcunataca,

NÚMEROS 32:3 Iomraidhean Croise

NEHEMÍAS 9:22

Mandanacunatapish, chai llajtapi causajcunatapish paicunapaj maquipimi churashcangui. Chai llajtataca chaupishpa chaupishpami paicunaman cushcangui. Chaimantami jatun mandaj Sehón mandacun Hesbón llajtatapish, jatun mandaj Og mandacun Basán llajtatapish paicuna japishcacuna.

ISAÍAS 15:6

Nimrimpi tiyaj yacucunapish chaquishcami canga. Q'uihuapish chaquiringami. Retoñacuj q'uihuacunapish chaquiringami. Tucui verdijlla cajcunami chingaringa.

JEREMÍAS 48:1

Tucuita Mandaj, israelcunapaj Diosca, Moab llajtamantaca cashnami nin: “¡Aij Nebo pueblolla, cunanca tucurishcamari! Quiriataim pueblotapish ñamari yaicushcacuna. Misgab pueblopi causajcunapish manchaihuan musparicunmari.

JEREMÍAS 48:2

Cunanca Moabpi causajcunaca, ña mana jatun tucungacunachu. Paicunata p'iñajcunaca Hesbón pueblopimari: Jacuchij chai llajtata tucuchishunchij nishpa yuyarinacushca. Madmena pueblolla, canpish tucuringuillatajmi. Canpi causajcunataca espadahuanmari huañuchigringacuna.

JEREMÍAS 48:32

Sibma shuti pambapi tiyaj uva chagralla, canmantaca Jazer pueblopi causajcunamanta shinallataj caparirishpami huacasha. Cambaj ramacunaca jatun cucha ch'imbanijcamamari jatunyarca. Jazer cuchacamamari ñahuiyashpa huiñarcangui. Chashna sumajta huiñashpa p'ucushcata tandanalla cajpimari, tucuchij chayamushpa chingachinga.

JEREMÍAS 48:34

Hesbón pueblopi causajcunaca, Eleale puebloman uyarijtamari caparirishpa huacarcacuna. Jahaza pueblocamapishmi uyarirca. Nimrim shuti yacucunapish chingachishca cangami. Chaimantami Zoar pueblopi causajcunapish quimsa huatayuj vaquilla yacunachicuj shina, Horonaim puebloman uyarijta huacarcacuna.

JEREMÍAS 48:45

Shaicushca callpacujcunaca, Hesbón pueblopimi miticugrircacuna. Ashtahuanpish Hesbón pueblomantaca lunyacuj ninamari llujshinga. Sehonpaj pueblo chaupimanta nina llujshishpami, Moab llajtataca mirga urita rupachinga. C'ari tucushpa caparirijcunaca umacamamari rupangacuna.

EZEQUIEL 25:9

Chaimantami Moab llajtata janaj lado lindeta punguta pascasha. Chaipica paicuna munashca Bet-jesimot shuti, Baal-meón shuti, Quiriataim shuti pueblocunami tiyan.

NÚMEROS 21:28

Hesbón pueblomantaca ninami llujshirca. Jatun mandaj Sehonpaj pueblomantaca lunyacuj ninami llujshirca. Chai ninaca Moabpi caj Ar pueblotaca chingachircami. Arnón yacu jahuanijcunapi causaj mandajcunatapish chingachircami.

NÚMEROS 21:30

Chashna cashca cajpipish pai mandacun llajtataca chingachircanchijmari. Hesbón pueblotaca, Dibón pueblocamami chingachircanchij. Nofa pueblotaca, Medeba pueblocamami chingachircanchij” nircacunami.

NÚMEROS 21:32

Moisesca Jazer pueblotapish rijsimugrijcunata cachashpami, chai pueblotapish muyundij uchilla pueblocunandij japishpa chaipi causaj amorreocunataca llujshichishpa cacharca.

NÚMEROS 32:1

Rubenpaj, Gadpaj aillucunaca yallitaj achca animalcunatami charirca. Paicunaca Jazer, Galaad shuti llajtacunapica animalcunata charinapaj alli cashcatami ricurca.

NÚMEROS 32:2

Rubenpaj aillu, Gadpaj aillu Moisespajman, Eleazar curapajman, israelcunata mandajcunapajman shamushpaca cashnami nircacuna:

JOSUÉ 13:17

Hesbón pueblotapish, chai muyundij pambacunapi caj cai tucui pueblocunandijmi curca: Dibón, Bamot-baal, Bet-baal-meón,

JOSUÉ 13:19

urcucunapi caj pugru pambacunapi tiyaj Quiriataim, Sibma, Zaret-sahar shuti pueblocunatapishmi paicunaman curca.

JOSUÉ 21:39

Hesbón pueblotapish muyundij michina allpacunandij, Jazer pueblotapish muyundij michina allpacunandijmi, chai chuscu pueblocunata curcacuna.

JUECES 11:26

Israelcunaca Hesbón pueblopipish chai muyundij llajtacunapipish, Aroer pueblopipish chai muyundij llajtacunapipish, Arnón jatun yacu uripi caj tucui pueblocunapipish ñamari, 300 huatacunata causancuna. Chai llajtacuna cancunapaj cajpica, chai tucui huatacunapica ¿ima nishpataj mana tigrachichircanguichigari?