NÚMEROS 32:29 - Dios Rimashca Shimicunami

²⁹ cashna nirca: –Gadpaj, Rubenpaj aillucunapurapi caj tucui c'aricuna paicunapaj macanacunacunahuan allichirishca Mandaj Diospaj ñaupajta Jordán yacuta ch'imbashpa Mandaj Dios ña paipaj ñaupajmanta tucuita anchuchingacama paicuna cancunahuan cajpica, cancunapish paicuna nishca shinataj Galaad llajtataca paicunaman cunguichij.

NÚMEROS 32:29 Iomraidhean Croise

NÚMEROS 32:17

Ashtahuanpish ñucanchijca macanacunacunahuan allichirishpami, ñucanchij huauqui israelcunata ñaupashpa rishpa paicuna japina cashca allpaman yaicuchingacama paicunahuan cashun. Chaicamaca ñucanchij huahuacuna caipi saquirijpi cai llajtapi causajcuna ama llaquichichunmi muyundij jatun pircayuj pueblocunapi saquishun ninchij.

NÚMEROS 32:28

Chaimi Moisesca Eleazar curatapish, Nunpaj churi Josuetapish, Israel aillucunata mandajcunatapish paicunata pushachun mingashpaca,

NÚMEROS 32:30

Ashtahuanpish macanacungapaj Jordán yacuta cancunahuan mana ch'imbashpaca, paicuna japina cashca allpataca Canaán llajtallapitajmi cancunahuan japingacuna– nirca.

JOSUÉ 12:6

Tucui chai llajtacunata mandajcunatami, Mandaj Diospajta ruraj Moiseshuan, israelcunahuanca misharcacuna. Chai tucui llajtacunataca, Mandaj Diospajta ruraj Moisesca Rubenpaj ailluman, Gadpaj ailluman Manasespaj chaupi aillumanpishmi ña curca.

JOSUÉ 13:11

Galaad llajtatapish, gesureocuna, maacateocuna causan llajtacunatapish, tucui Hermón urcutapish, tucui Basán llajtatapish Salca pueblocamami paicunaman curca.

JOSUÉ 14:3

Rubenpaj, Gadpaj aillucunamanpish, Manasespaj chaupi aillumanpish Jordán yacumanta inti llujshin ladoman tiyaj allpacunatami paicuna japina cashcataca Moisesca, ñaupaman cushca carca. Levipaj huahuacunamanca paicunapurapica, allpataca mana curcachu.

JOSUÉ 18:7

Levipaj huahua huahuacunaca, cancunapurapica allpacunataca ashallatapish mana japingacunachu. Paicunaca Mandaj Diospajlla cura canatami japingacuna. Rubenpaj, Gadpaj aillucunapish, Manasespaj chaupi aillupish Jordán yacumanta inti llujshin ladoman caj llajtacunatami ña japircacuna. Paicunamanca Taita Diospajta ruraj Moisesmi curca” nircami.

JOSUÉ 22:9

Shina nijpica Rubenpaj, Gadpaj aillucunapish, Manasespaj chaupi aillupish, Mandaj Dios mandashca shinallataj allpacunata Moisés cushca paicuna japishca llajta Galaadman tigrangapajmi, Canaanpi caj Silo pueblopi caishuj israelcunahuanca chaupirinacurcacuna.

JUECES 10:3

Tolapaj q'uipaca, Galaadpi causaj Jair runami israelcunata mandangapaj jatarirca. Paica ishqui chunga ishqui huatatami mandarca.

1 SAMUEL 18:17

Chaimi Saulca Davidtaca: –Canmanca ñuca punta ushushi Merabtami cambaj huarmi cachun cusha. Ashtahuanca Mandaj Diospaj macanacuipi c'ari c'ari macanacunguilla– nirca. Saulca Davidtaca ñuca maquihuanca mana huañuchishachu, ashtahuanpish filisteocuna huañuchichun yuyashpami chashna nirca.