NÚMEROS 32:23 - Dios Rimashca Shimicunami

²³ Ashtahuanpish cancuna nishcata mana pajtachishpaca, Mandaj Diospaj ñaupajpimi juchallinguichij. Cancunapaj juchallataj cancunata llaquichina cashcataca yachanguichijmi.

NÚMEROS 32:23 Iomraidhean Croise

GÉNESIS 13:13

Sodomapi causajcunaca mana allita rurajcuna cashcamanta yallitaj millaillata rurashpa Mandaj Diosta p'iñachijcunami carca.

GÉNESIS 4:7

Allita rurashpaca jatunyachishcami canguiman. Ashtahuanpish mana allita rurajpica, juchami cantaca mana allita rurachingapaj shuyacun. Shina cajpipish mana allitaca canmari mishana cangui– nircami.

GÉNESIS 44:16

Shina nijpimi Judaca: –Ñucanchij amo quiquintaca ¿imatataj nishunri? ¿Ima shinataj mana juchachinayujca ricurishunri? Cambajta ruraj ñucanchij mana alli cashcataca, Taita Diosmi ricuchin. Cunanca ñucanchijpish, copata apacujpish cambajta rurangapaj cambaj maquipimi canchij– nircami.

2 SAMUEL 3:39

Jatun mandaj cachun Taita Dios churashca cashpapish, ñucaca mana imata ruraipajmi cani. Sarviapaj churicunaca ñucapajca yallitaj sinchi llaquichijcunami. Paicuna chashna rurashcamantaca ima shina mana allita rurashca shinallataj Mandaj Dios paicunataca llaquichichun– nircami.

1 REYES 2:32

Chashna rurajpimi cashcata ruraj, paitapish yalli alli ishqui runacunata Joab huañuchishpa yahuarta jichashcataca Mandaj Diosca paipaj jahuallamantaj tigrachinga. Nerpaj churi Abnerca Israel soldadocunata mandajmi carca. Jeterpaj churi Amasaca Judapaj soldadocunata mandajmi carca. Paicunataca ñuca yaya David mana yachajllapimi espadahuan huañuchirca.

1 REYES 2:33

Chashna rurajpimi, chai ishqui runacunata huañuchishpa yahuarta jichashcaca Joabpaj jahuallamantaj tigranga. Paipaj huahua huahuacunapaj jahuapipish huiñaipajmi canga. Ashtahuanpish Davidpaj jahuapi, paipaj huahua huahuacunapaj jahuapi, paipaj huasi ucupuracunapaj jahuapi, paipaj mandana jahuapica Mandaj Diospaj sumaj causaimi huiñaita paicunahuan canga– nircami.

SALMOS 139:11

Cashna nishachari: Amsatajca pacangami nijpipish, ñuca muyundijpica quiquinpaj ricuipica achijllallatajmari.

SALMOS 140:11

C'allu cacharishca runaca cai allpapica mana sinchi cai tucungachu. Yallitaj millai runacunataca llaquimi tucui tucuchinga.

SALMOS 90:8

Ñucanchij millaita rurashcataca, quiquinpaj ñaupajpimi charicungui. Ñucanchij pacalla juchallishcacunapish quiquinpaj ñaupajpica ricunallami.

PROVERBIOS 13:21

Juchasapacunataca llaquicunallami chaqui huashapi catiracun. Ashtahuanpish cashcata rurajcunaca, allicunatami chasquincuna.

PROVERBIOS 24:16

Cashcata ruraj runaca, canchis cutin urmachijpipish, cutin jataringallami. Ashtahuanpish Diosta mana manchajcuna jatun llaquipi huashicushpaca, ña mana jataringachu.

PROVERBIOS 5:22

Diosta mana manchaj runataca, pai millaita rurashcallatajmi llaquipi urmachin. Quiquin juchacunallatajmi allita huatashpa charicun.

ISAÍAS 3:11

¡Aij, yallitaj millaita rurajlla! Tucui imapipish llaquicunallahuanmi ringa. Paicunapaj quiquin maquihuan ima shina rurashca shinallatajmi pagashca canga.

ISAÍAS 59:12

Ñucanchij canta c'ariyashcacunamari cambaj ñaupajpica mirarishca. Ñucanchij juchacunallatajmi ñucanchij juchayuj cashcataca ricuchin. Ñucanchij millaita rurashcacunaca ñucanchijllahuantajmari. Ñucanchij juchallishcacunataca allimi rijsinchij.

JONÁS 1:7

Shinallataj barcota purichijcunaca: –Tucui caipi cajcunamantaca ¿pitaj mana allita rurashpa puricushcanchij? Chaita yachangapajca suerteta rurashunchij– nircacunami. Chashna suerteta rurajpica, Jonaspajmi urmarca.

Romanos 2:9

Millaita rurajcunataca, puntaca judiocunata, griegocunatapish tucuicunatami jatun llaqui, jatun manchaipish japinga.

1 Corintios 4:5

Chashna cashcamanta manaraj punlla pajtajpica, ama imata juchachichijchu. Mandaj Jesús shamungacama shuyaichij. Paimi, amsapi pacalla cajtaca achijman llujshichishpa ricuchinga. Shinallataj shungucuna yuyashcatapishmi ricuchinga. Chaipimi Dios alli nishca canataca cada quiquin chasquinga.

JOSUÉ 7:18

Zabdi runapaj huasi ucupuracunapi caj c'aricunataca, shuj shujlla c'uchuyachishpaca, Carmi runapaj churi Acantami ricuchirca. Carmi runaca, Zabdi runapaj churimi carca. Zabdica, Zera runapaj churimi carca. Paica Judá aillumantami carca.