NÚMEROS 32:22 - Dios Rimashca Shimicunami

²² Mandaj Dios ña paipaj ñaupajmanta tucuita anchuchijpica, cancunapaj huasiman tigranguichijllami. Chashna rurashpami Mandaj Diospaj ñaupajpipish, cancunapaj huauqui israelcunapaj ñaupajpipish ima juchachina illajlla saquiringuichij. Cai allpapish Mandaj Diospaj ñaupajpica cancunapajmi canga.

NÚMEROS 32:22 Iomraidhean Croise

2 SAMUEL 3:28

Q'uipata David chaita yachashpaca: “Nerpaj churi Abnerpaj yahuarmantaca ñucapish, ñuca mandacunpish Mandaj Diospaj ñaupajpica, huiñaipaj ima juchachina illajllami canchij.

SALMOS 78:55

Llajtacunataca israelcunapaj ñaupajmantami llujshichishpa cacharca. Allpacunataca paicunapaj cachunmi cordelhuan p'itishpa curca. Paicuna causacushca huasicunapica Israel aillucunatami causachun churarca.

LEVÍTICO 14:34

“Cancunaman ñuca cushca Canaanman ña yaicushpaca, cancuna japishca allpapi tiyaj maijan huasicunaman llaquichij leprata ñuca cachajpica,

NÚMEROS 32:21

Cancunapaj macanacunacunahuan allichirishpa Mandaj Diospaj ñaupajta Jordán yacuta ch'imbaichij. Mandaj Dios paipaj ñaupajmanta cancunata p'iñajcunata tucui anchuchingacama ringuichij.

DEUTERONOMIO 3:20

Mandaj Dios cancunaman shinallataj cancunapaj huauquicunaman samarinata cungacama chaipi saquiringuichij. Mandaj Dios cancunapaj Taita Dios Jordán yacu ch'imbanijman paicunapaj cachun cusha nishca llajtata paicuna japingacama chaipi saquiringuichij. Chai q'uipaca cancunapaj cachun ñuca cushca llajtaman cada quiquin tigranguichij nircanimi.

JOSUÉ 1:15

Samarichun cancunaman cushca shinallataj paicunamanpish allpacunata Mandaj Dios cungacama ayudanguichij. Mandaj Dios cusha nishca allpata japingacama ayudashpaca, Jordán yacumanta inti llujshin ladoman Taita Diospajta ruraj Moisés cancunaman cushca cancunapaj allpallamantaj tigranguichijllami”– nircami.

JOSUÉ 10:30

Mandaj Diosca chai pueblopi causajcunatapish, chai pueblota jatun mandajtapish israelcunapaj maquipi churajpimi, israelcunaca chai pueblopi caj causajcunataca shujllatapish mana saquishpa espadacunahuan tucuita huañuchirca. Jericota jatun mandajta shinallatajmi, chai pueblota jatun mandajtapish rurarca.

JOSUÉ 10:42

Chai pueblocunapi causajcunata jatun mandajcunataca, shuj cutin macanacuipimi tucuita huañuchishpa, paicunapaj llajtacunatapish tucuita japircacuna. Israelcunata Mandaj Dios paicunamanta macanacujpimi, chashna misharcacuna.

JOSUÉ 11:23

Mandaj Dios Moisesta mandashca shinallatajmi, Josueca tucui chai llajtacunataca israelcunapaj cachun japirca. Chai llajtacunataca, tucui israelcunamanmi cada ailluman mashnacunapura cajpipish, pajtanata ricushpa chaupishpa curca. Macanacuipish chai llajtapica ña mana tiyarcachu.

JOSUÉ 13:8

Rubenpaj, Gadpaj aillucunahuan, Manasespaj chaupi ailluhuanca ñami Jordán yacumanta inti llujshin ladoman caj llajtacunata Mandaj Diospajta ruraj Moisesllataj cujpi chasquircacuna.

JOSUÉ 18:1

Israelcunaca tucuicunata mishashpa llajtata japishca q'uipaca, Silo pueblopi tucuicuna tandanacushpami, Mandaj Dioshuan tupangapaj tandanacuna carpa huasita shayachircacuna.

JOSUÉ 2:19

Cambaj huasipi tandachishca jahua chaimanta llujshishpaca, paipaj jahuallatajmi canga. Paita huañuchijpica ñucanchijca imata mana juchachishca cashunchu. Cambaj huasillapitaj cajpi ñucanchijpuracuna maijanta huañuchijllapimi, ñucanchij jahua canga.

JOSUÉ 22:4

Mandaj Diosca pai cusha nishcataca pajtachishpami, cai llajtataca cancunapaj huauquicunaman cujpi ña alli causacuncuna. Cancunamanpish Mandaj Diospajta ruraj Moisesca Jordán yacumanta inti llujshin ladomanmi ña curca. Cunanca chai llajtapi caj cancunapaj carpa huasicunaman tigraichijlla.

JOSUÉ 22:9

Shina nijpica Rubenpaj, Gadpaj aillucunapish, Manasespaj chaupi aillupish, Mandaj Dios mandashca shinallataj allpacunata Moisés cushca paicuna japishca llajta Galaadman tigrangapajmi, Canaanpi caj Silo pueblopi caishuj israelcunahuanca chaupirinacurcacuna.