NÚMEROS 32:19 - Dios Rimashca Shimicunami

¹⁹ Ñucanchij quiquinpaj cachun japina cashca allpataca Jordán yacumanta inti llujshin ladoman caj cai llajtacunata ña japishpaca, Jordán yacuta ch'imbashpa tiyaj llajtacunataca yacu uripi cajcunatapish, ashtahuan chai ladoman tiyaj llajtacunatapish ñucanchij huauqui israelcunahuan ña mana japishun nishunchu– nircacunami.

NÚMEROS 32:19 Iomraidhean Croise

GÉNESIS 14:12

Abrampaj huauquipaj churi Lotpish, Sodomapi causacushcamantami, paitapish pai imalla charishcacunandij tucuita aparcacuna.

2 REYES 15:29

Israel llajtata Peka mandacui huatacunami, Asiria llajtata jatun mandaj Tiglat-pileser shamushpaca, Ijón, Abel-bet-maaca, Janoa, Cedes, Hazor, Galaad, Galilea llajtacunata, Neftalipaj tucui llajtacunatapish japishpa chaipi causajcunataca tucuita Asiriaman prezu aparca.

PROVERBIOS 20:21

Jahualla japishca charinacunaca, q'uipataca ima cushicuita mana cunchu.

NÚMEROS 34:15

Chai ishqui ailluhuan, caishuj chaupi ailluhuanca paicuna japina cashca allpataca Jericomanta inti llujshin ladoman caj Jordán yacu c'uchupimi ña japircacuna” nircami.

JOSUÉ 13:8

Rubenpaj, Gadpaj aillucunahuan, Manasespaj chaupi ailluhuanca ñami Jordán yacumanta inti llujshin ladoman caj llajtacunata Mandaj Diospajta ruraj Moisesllataj cujpi chasquircacuna.