NÚMEROS 31:3 - Dios Rimashca Shimicunami

³ Chaimi Moisesca israelcunataca cashna nirca: –Madianitacunahuan macanacunaman ringapaj cancunapuramanta maijancunata allichichij. Israelcunata llaquichishcamanta paicunatapish Mandaj Dios llaquichinata pajtachingapaj richij.

NÚMEROS 31:3 Iomraidhean Croise

2 REYES 10:30

Mandaj Diosca Jehutaca: “Tucui chaicunata chingachishpaca ñuca ñaupajpica allitami rurashcangui. Acabpaj huasi familiatapish ñuca shungu munashca shinami rurashcangui. Chashna rurashcamantaca cambaj churicunataca, chuscu huahua huahuacunacamami israelcunata mandachun saquisha” nircami.

2 REYES 9:7

Canmi canta mandaj Acabpaj familiacunataca huañuchingui. Ñucapajta ruraj tucui profetacunatapish, Mandaj Diospajta rurajcunatapish paipaj huarmi Jezabel huañuchishpa yahuarta jichashcamantami chashna huañuchichisha ninmi.

ÉXODO 17:16

cashna nirca: “Mandaj Dios mandacunta amaleccuna p'iñashpa llaquichishpa jatarishcamantami, Mandaj Diosca amaleccunahuan macanacunga. Huahua huahuacunahuan macanacucungallami” nircami.

JEREMÍAS 46:10

Chai punllaca, tucuita Mandaj Dios llaquichina punllamari canga. Paita p'iñajcunata japishpa llaquichina punllamari canga. Chai janaj llajtapi caj Éufrates yacu uripica, tucuita Mandaj Diosman cushpamari, paicunataca espadahuan huañuchingacuna. Espadaca, paicunapaj yahuarpimari tucui pambaringa.

JEREMÍAS 50:28

Babilonia llajtamanta quishpirishpa shamujcuna huillacujtamari uyani. Ñucanchijta Mandaj Diosmari Babilonia llajtapi causajcunataca, paipaj huasita urmachishcamanta llaquichishca nishpami huillacuncuna.

LEVÍTICO 26:25

Ñucahuan ari ninacushcata p'aquishcamanta cancunata llaquichij cachunca, cancunata p'iñajcunatami macanacushpa huañuchichun pushamusha. Paicuna mishajpi cancunapaj pueblocunapi miticujpipish, cancunaman llaquichij ungüita cushpami cancunata p'iñajcunapaj maquipi churasha.

NÚMEROS 25:11

–Aarón curapaj nieto Eleazarpaj churi Fineesmi israelcunahuan ñuca yallitaj p'iñarishcataca anchuchin. Fineesca paicunapurapi millaita rurajtaca p'iñashpa ñuca shinallataj huañuricujmi. Paimantami ñucaca israelcuna millaita rurashcamanta huañurishpa llaquichishpa tucuchinataca pararini.

NÚMEROS 25:13

Paipish, paipaj huahua huahuacunapish, chaipaj q'uipa huahua huahuacunapish curacuna tucushpa caticuchunllami churagrini. Taita Diospajlla canamantatajca huañucuj cashcamanta israelcunapaj juchata anchuchingapaj chai runata huañuchishcamantami chashna ruragrini ni– nircami.

NÚMEROS 31:4

Chai macanacuimanca, cada aillumanta 1.000 soldadocunata cachaichij– nircami.

JUECES 5:2

“Israelcunata pushajcunata macanacuiman puntapi richun Mandaj Dios churashcamanta, tucui israelcunapish paicunapaj munaimanta macanacuiman llujshishcamanta, Mandaj Diostaca tucuicuna alabaichij.

JUECES 5:23

Mandaj Diospaj angelca: “Meroz llajtataca llaqui tucushca canman nichij. Chaipi causajcunataca jatunta llaquichishcataj cachun nichij. Paicunallatajmi Mandaj Diospaj soldadocunataca mana ayudarca. C'ari c'ari tucushcacunahuan Mandaj Diospaj soldadocuna macanacucujpi mana ayudarcachu” nircami.