NÚMEROS 31:2 - Dios Rimashca Shimicunami

² “Madianitacuna israelcunata llaquichishcamanta paicunatapish llaquichichij. Chai q'uipaca cambaj yayacunahuan tandanacugringuillami” nircami.

NÚMEROS 31:2 Iomraidhean Croise

GÉNESIS 15:15

Canca yuyajyangacama sumajta causashpa ima llaqui illajllami huañungui. Chashnami canca cambaj ñaupa yayacunahuan tandanacugringui.

GÉNESIS 25:17

Ismaelca, 137 huatacunatami causarca. Huañushpaca paipaj ñaupa yayacunahuanmi tandanacugrirca.

GÉNESIS 25:8

Abrahamca uni huatacunata causashpa yallitaj yuyaj tucungacama causashpami huañurca. Huañushpaca paipaj ñaupa yayacunahuanmi tandanacugrirca.

ÉXODO 2:16

Chaiman rishpaca pugyu c'uchullapimi tiyarirca. Madián llajtapi causaj curaca, canchis ushushicunatami charirca. Paicunaca chai punllaca, pugyumanta yacuta llujshichishpa rumicunapi jundachishpa paicunapaj yayapaj ovejacunaman ubyachingapajmi shamurcacuna.

ISAÍAS 1:24

Chaimanta Jatun Diosca, tucuita Mandaj Diosca, israelcunapaj tucuita rurai tucuj Diosca cashnami nin: “Aij, cunantajca ñucata p'iñajcunataca llaquichishpatajmi cushicugrini. Paicunatapish tigra llaquichishpatajmi alli cagrini.

NAHUM 1:2

Mandaj Diosca, jatunta p'iñarishpa llaquichij Diosmari. Mandaj Diosca jatunta llaquichijmi, jatunta p'iñarijmi. Millaita rurajcunatapish jatunta llaquichijmi. Paita p'iñajcunapajmi, p'iñarishpa llaquichinataca huaquichin.

NÚMEROS 20:24

“Aaronca ñaupa yayacunahuan tandanacunamanmi ña rigrin. Cancunaca yacu illan nishpa p'iñanacuipimi ñuca mandashcata mana cazurcanguichij. Chaimanta paica israelcunaman ñuca cushca llajtamanca mana yaicungachu.

NÚMEROS 20:26

chaipi Aaronpaj churanacunata llujshichishpa, paipaj churi Eleazarman churachi. Aaronca paipaj ñaupa yayacunahuan tandanacugringapaj chaipimi huañunga” nircami.

NÚMEROS 25:1

Israelcunaca Sitim pueblopi cashpami, Moabita huarmicunahuan huainayai callarircacuna.

NÚMEROS 25:6

Moisespish, tucui israelcunapish Mandaj Dioshuan tupanacuna carpa huasi ñaupajpimi huacacurcacuna. Paicuna ricucujpimi israelcunapuramanta shuj runaca, paicunapajman madianita huarmita pushashca chayamurca.

NÚMEROS 27:13

Chai llajtata ricushca q'uipaca, cambaj huauqui Aarón shinallataj cambaj ñaupa yayacunahuan tandanacugringuillami.

NÚMEROS 31:1

Mandaj Dios Moisesta mandashpaca cashnami nirca:

NÚMEROS 31:3

Chaimi Moisesca israelcunataca cashna nirca: –Madianitacunahuan macanacunaman ringapaj cancunapuramanta maijancunata allichichij. Israelcunata llaquichishcamanta paicunatapish Mandaj Dios llaquichinata pajtachingapaj richij.

Lucas 21:22

Chai punllacunaca mana cazushcamanta Taita Dios llaquichina punllami canga. Quillcachishcapi tucui nishcacunami chai punllapica pajtanga.

Hechos 13:36

Davidca pai causacui punllapi causajcunataca, Taita Dios munashca shinami servirca. Pai huañushpaca paipaj ñaupa yayacunahuanmi tandanacurca. Paipaj aichaca ismurcami.

Romanos 12:19

Ñuca c'uyashcacuna, cancunata llaquichijcunataca cancunallatajca ama llaquichishun nichijchu, ashtahuanpish Dios llaquichichun saquichij. Cashnami quillcashca tiyacun: “Ñucami llaquichisha, ñucami paicuna japina cashcataca cusha” ninmi Jatun Diosca.

Romanos 13:4

Mandajca cambaj allipajllataj Diospajta rurajmi. Chaimanta millaita rurashpaca manchanami cangui, espadataca mana yanga apanchu. Mana allita rurajta cashcatataj ricuchishpa llaquichingapajmi apan.

DEUTERONOMIO 32:35

Chai tucuimantaca ñucami paicunatapish llaquichisha. Paicuna rurashca shinallatajmi cusha. Paicunapaj llaqui punllaca ñallami chayamugrin. Paicunaman cunataca allichishcatami charicuni.

DEUTERONOMIO 4:22

Chaimanta ñucaca cai llajtapimi huañugrini. Jordán yacutaca mana ch'imbagrinichu. Ashtahuanpish cancunaca ch'imbanguichijmi, chai alli allpatapish cancunapaj cachun japinguichijmi.

1 Tesalonicenses 4:6

Maijanpish paipaj huauquita umashpa imapipish ama llaquichichun. Ña cancunaman nishca, huillashca shinallataj chashna rurajcunataca Mandaj Jesusmi paicunatapish llaquichinga.

Hebreos 10:30

Jatun Diosca cashnami nin: “Ñucami paitapish llaquichisha, pai japina cashcatapish ñucami cusha” ninmi. Shinallataj cutinmi: “Jatun Diospaj cajcunataca paillatajmi imalla rurashcacunataca ricuchinga” ninmi.

Apocalipsis 18:20

Chai pueblo chashna tucushcamantaca cielopi tucui tiyajcunapish, Diospajlla cajcunapish, apostolcunapish, profetacunapish cushicuichij. Cancunata llaquichishcamantaca Diosca paicuna ima shina rurashca shinallatajmi paicunatapish llaquichishca”.

Apocalipsis 19:2

Paica, imatapish ima shina cashcatataj ricuchishpa llaquichijmi. Chashna cashpami huainayashpalla causaj huarmi paipaj huainayanahuan allpa pachapi causajcunata yallitaj millaita rurachishcamantaca ña llaquichishca. Diospajta rurajcunata paipaj maquihuan huañuchishcamantami paitapish tigra llaquichirca” nircacunami.

Apocalipsis 6:10

Paicunaca: “Jatun Dioslla canca jucha illaj, imata rurasha nishcatapish rurajtajmi cangui. Allpapi causajcuna yahuarta jichashpa ñucanchijta huañuchishcamantaca ¿paicunataca maicamataj manaraj llaquichishpa shuyacungui?” nishpami sinchita caparircacuna.

JUECES 16:24

Filisteocunaca chaita ricushpami paicunapaj diostaca: “Ñucanchijta p'iñaj, ñucanchij chagracunata tucuchijtaca, ñucanchij diosmari ñucanchij maquipi churashca. Ñucanchijpura achcacunata huañuchijtaca paimari ñucanchij maquipi churashca” nishpa cantarcacuna.

JUECES 2:10

Josuehuan huiñai israelcunapish huañushpami paicunapaj ñaupa yayacunahuan tandanacugrirca. Q'uipa huiñai israelcunaca Mandaj Diostaca mana rijsircacunachu. Israelcunapaj pai imalla rurashcatapish mana yacharcacunachu.