NÚMEROS 30:8 - Dios Rimashca Shimicunami

⁸ Ashtahuanpish paipaj cusa yachaj chayashpa jarcajpica, Mandaj Diospajta ruranataj tucushpa paipaj shimihuan pajtachishatajmi nishcataca ama rurashpa saquichunlla. Mandaj Diosca chai huarmitaca perdonangami.

NÚMEROS 30:8 Iomraidhean Croise

GÉNESIS 3:16

Huarmitapish cashnami nirca: –Chichu cajpipish jatun nanaihuan canatami mirachini. Huachanatapish yallitaj nanaihuanmi huachangui. Chashna cashpapish canca cusahuan canatatajmi munangui. Paimi cantaca mandanga– nircami.

JEREMÍAS 44:19

Huarmicunacarin cashnami nircacuna: –Ñucanchijca jahua pachata mandaj huarmi diosmanca ñucanchij cusacunaman huillashpa, paicunallataj ruraichijlla nijpica, inciensotapish cushpa rupachinchij, vinotapish cushpa tallinchij, tortillacunatapish rurashpa paiman cunchij. Imata mana ñucanchij cusacunapaj pacalla ruracunchijchu– nircacunami.

LEVÍTICO 5:4

Maijanpish ima allita cashpa, mana allita cashpapish, mana alli yuyarishpa quiquin shimihuantaj rurashatajmi ningachari. Ima cajpipish manapish alli yuyarishpa chashna rurashatajmi nishpa quiquin shimihuantaj nij runaca imata nicushcata mana alli yuyarishpa chashna nishca cashpapish q'uipata yachaj chayashpaca chashna nishcacunamantaca juchallishataj nishpa juchallishcallatajmi tucunga.

NÚMEROS 30:5

Ashtahuanpish paipaj yaya yachaj chayashpa jarcajpica, chai solteraca paipaj tucui almahuan ruranataj tucushcataca saquichunlla. Paipaj yaya jarcajpi mana pajtachishcamanta Mandaj Diosca chai solterataca perdonangami.

NÚMEROS 30:7

Mandaj Diospajta ruranataj tucushcata paipaj cusa yachaj chayashpa mana jarcajpica, chai huarmica paipaj tucui almahuan pajtachishatajmi nishcataca pajtachichuntaj.

NÚMEROS 30:9

Ashtahuanpish viuda huarmi, cusa shitashca huarmi Mandaj Diospajta ruranataj tucushpa tucui paipaj almahuan pajtachishatajmi nishpaca chaitaca pajtachichuntaj.

1 Corintios 14:34

cancunapaj huarmicunaca tandanacuicunapica, mana rimana cashcamanta upalla cachun. Ashtahuanpish cazuj cachun, Mandashcapipish chashnallatajmi nin.

1 Corintios 7:4

Huarmica paipaj cuerpotaca mana paillatajca cushichinchu, cusami cushichin. Shinallataj cusapish paipaj cuerpotaca mana paillatajca cushichinchu, huarmimi cushichin.

1 SAMUEL 1:23

Chaimi paipaj cusa Elcanaca: –Can yuyashca shinallataj huahuata raquingacama saquirilla. Ashtahuanca Mandaj Dios pai nishca shina pajtachichun– nijpica Anaca saquirircallami. Huahuataca raquingacamami huiñachirca.