NÚMEROS 30:13 - Dios Rimashca Shimicunami

¹³ Mandaj Diospajta ruranataj tucushpa paipaj tucui almahuan pajtachishatajmi nij huarmitaca paipaj cusami rurachun saquinga, mana cashpaca jarcanga.

NÚMEROS 30:13 Iomraidhean Croise

ESDRAS 8:21

Ahava jatun yacu c'uchullapitaj cashpami, ñucanchijtapish, ñucanchij huahuacunatapish, ñucanchij imalla charishcacunandij ñanta Dios alli pushachun, paipaj ñaupajpi llaquirishca shunguhuan paita mañangapaj ayunashunchij nishpa mandarcani.

SALMOS 35:13

Ashtahuanpish ñucaca paicuna ungushca cajpica, llaquilla cashcata ricuchij churanatami churarircani. Llaquilla shungumi ayunashpa mañarcani. Ñuca shungumanca paicunamanta mañana yuyaica mana illarcachu.

ISAÍAS 58:5

Cancunaca junco shina umata cumurichishpa llaquilla tucushpami ayunashpa cainanguichij. Cañamazuhuan mantashpa ushpata shitarishpami ayunanguichij. ¿Chashna ayunachunchari ñucaca mandarcani? ¿Chashna rurashpachu ayuno cashcata yuyanguichij? ¿Mandaj Dios munashcata rurashpa cainacushcatachu yuyanguichij?

LEVÍTICO 16:29

Tucui cai mandashcacunaca chashna ruracuchunlla mandashcami. Canchis quillapaj chunga punllapica cancunapaj alma llaquilla tucushpa, imata mana rurashpami samarina canguichij. Cancunapish, cancunahuan causacuj mana israelcunapish chai shinallataj rurachun.

LEVÍTICO 23:27

“Chai canchis quillapaj chunga punllapica, Dios perdonana punllami canga. Chai punllapica tucuita cayashpa, tucui almahuan llaquirishpa Diospajlla tandanacuita charinguichij. Mandaj Diosman rupachishpa cunatapish cunguichij.

LEVÍTICO 23:32

Chai punllaca cancuna samana punllami. Chaipica ayunanguichij. Chai quillallapitaj iscun punlla chishita callarishpaca, cayandij chishi chai horascamallataj samarichun” nircami.

NÚMEROS 29:7

Chai canchis quillallapitaj chunga punllapica, tucuicunata cayashpa Diospajlla tandanacuita ruranguichij. Mana alli rurashcata yuyarishpa cancunapaj alma llaquirishpa Diosman cutiringuichij. Chai punllapica ima ruranata ama ruranguichij.

NÚMEROS 30:12

Ashtahuanpish paipaj cusa chaita yachaj chayashpa chai punllataj jarcajpica, chai huarmica ruranataj tucushpa paipaj shimihuan pajtachishatajmi nishcataca saquichunlla. Paipaj cusa jarcashcamanta Mandaj Diosca chai huarmitaca perdonangami.

NÚMEROS 30:14

Yachaj chayashca punllamanta cusa imata mana nishpa, tauca punllacunacama upalla saquirishpaca, paipaj huarmi Diospajta ruranataj tucushpa paipaj tucui almahuan pajtachishatajmi nishcataca pajtachichunlla nishcatami ricuchin.

1 Corintios 11:3

Ashtahuanpish caitami yachachun nini: Cristoca tucui c'aricunapaj umami, c'arica huarmipaj umami, Diosca Cristopaj umami.

1 Corintios 11:9

C'aritaca mana huarmipajchu, ashtahuanpish huarmitami c'aripaj rurashca carca.

1 Corintios 7:5

Caishujpish chaishujpish ama mitsarinacuichijchu. Tucui yuyaihuan Diosta mañangapajlla, ishquindij shuj yuyailla tucushpa ashacama jarcarichij. Mana unita jarcari tucujpica, mana alli yuyaita Satanás ama cuchun cutin tandanacuichijlla.