NÚMEROS 30:12 - Dios Rimashca Shimicunami

¹² Ashtahuanpish paipaj cusa chaita yachaj chayashpa chai punllataj jarcajpica, chai huarmica ruranataj tucushpa paipaj shimihuan pajtachishatajmi nishcataca saquichunlla. Paipaj cusa jarcashcamanta Mandaj Diosca chai huarmitaca perdonangami.

NÚMEROS 30:12 Iomraidhean Croise

JEREMÍAS 44:17

Ashtahuanpish ñucanchij shimihuan imatami rimanchij, chaitatajmi rurashpa causashun. Ñucanchij ñaupa yayacunapish, ñucanchijta jatun mandajcunapish, ñucanchijta mandajcunapish Judá llajta pueblocunapi, Jerusalén plaza pambacunapica, jahua pachata jatun mandaj huarmi dioshuanmi inciensota cushpa rupachij carcanchij. Vinotapish cushpami, tallij carcanchij. Chai shinallatajmi rurashpa catishun. Chashna rurashpami ñucanchijca achca granocunayuj causarcanchij. Ima llaquita mana apashpa, cushicushpami causarcanchij.

JEREMÍAS 44:19

Huarmicunacarin cashnami nircacuna: –Ñucanchijca jahua pachata mandaj huarmi diosmanca ñucanchij cusacunaman huillashpa, paicunallataj ruraichijlla nijpica, inciensotapish cushpa rupachinchij, vinotapish cushpa tallinchij, tortillacunatapish rurashpa paiman cunchij. Imata mana ñucanchij cusacunapaj pacalla ruracunchijchu– nircacunami.

NÚMEROS 15:25

Paicuna chaita cujpimi, curaca tucui israelcunapaj juchamanta Diosman cunga. Chaipimi mana alli yuyarishcamanta mana tucui pajtachishcataca perdonashca canga. Mana alli yuyarishcamanta mana tucuita pajtachishca cashpaca, tucuicunami Diosman cuna cashcatapish, Mandaj Diosman cushpa rupachina cashcatapish, juchamanta cushpa rupachinatapish Mandaj Diospaj ñaupajpi cungacuna.

NÚMEROS 15:28

Mana alli yuyarishpa mana tucuita pajtachishpa Mandaj Diospaj ñaupajpi juchallishcamanta cushcataca, curami chai runamanta Mandaj Diosman cushpa Dioshuan alli tucunacuchinga. Chashna rurajpimi, perdonashca canga.

NÚMEROS 30:11

Paipaj cusa chaita yachaj chayashpa mana imata nishpa mana jarcajpica, chai huarmica paipaj tucui almahuan ruranataj tucushcataca pajtachichuntaj.

NÚMEROS 30:13

Mandaj Diospajta ruranataj tucushpa paipaj tucui almahuan pajtachishatajmi nij huarmitaca paipaj cusami rurachun saquinga, mana cashpaca jarcanga.

NÚMEROS 30:5

Ashtahuanpish paipaj yaya yachaj chayashpa jarcajpica, chai solteraca paipaj tucui almahuan ruranataj tucushcataca saquichunlla. Paipaj yaya jarcajpi mana pajtachishcamanta Mandaj Diosca chai solterataca perdonangami.

NÚMEROS 30:8

Ashtahuanpish paipaj cusa yachaj chayashpa jarcajpica, Mandaj Diospajta ruranataj tucushpa paipaj shimihuan pajtachishatajmi nishcataca ama rurashpa saquichunlla. Mandaj Diosca chai huarmitaca perdonangami.

1 Corintios 11:3

Ashtahuanpish caitami yachachun nini: Cristoca tucui c'aricunapaj umami, c'arica huarmipaj umami, Diosca Cristopaj umami.

1 SAMUEL 1:23

Chaimi paipaj cusa Elcanaca: –Can yuyashca shinallataj huahuata raquingacama saquirilla. Ashtahuanca Mandaj Dios pai nishca shina pajtachichun– nijpica Anaca saquirircallami. Huahuataca raquingacamami huiñachirca.