NÚMEROS 3:8 - Dios Rimashca Shimicunami

⁸ Dioshuan tupanacuna carpa huasipi Diospajta ruranapaj tucui imalla charinacunata cuidachun. Israelcunamanta imallata rurana cashcatapish paicuna rurachun. Paicunaca Diospaj carpa huasipi imalla rurana cashcata rurachun.

NÚMEROS 3:8 Iomraidhean Croise

1 CRÓNICAS 23:27

David ña huañunalla punllacunapi cashpa levipaj huahua huahuacunataca q'uipata ima shinalla canapaj ishqui chunga huatayujmanta huichiman yupaichij nishca shinallatajmi yuparcacuna.

2 CRÓNICAS 29:11

Chashna cashcamantaca, Mandaj Diospajta ruranataca ama q'uillacuichijchu, huahuacuna. Paica cancunataca paipajta chai yuyai rurachunpish, inciensota paiman cushpa rupachichunpishmi agllarca” nircami.

ISAÍAS 52:11

¡Anchurichij, anchurichij, chaimanta llujshichij. Imapish mapapica ama tuparichijchu. Paicunapaj chaupimanta llujshichij! ¡Mandaj Diospaj ch'icanchishca charinacunata apajcunapish ima mapa illajlla tucuichij!

NÚMEROS 10:17

Diospaj carpa huasita pascashpa apanallata rurashca cajpica, Gersonpaj huahua huahuacuna, Meraripaj huahua huahuacunami paicuna imallata apana cashcata apashpa catircacuna.

NÚMEROS 10:21

Chai q'uipaca, Coatpaj huahua huahuacunami, Diospajlla carpa huasi ucupi imalla tiyajcunata apashpa catircacuna. Paicuna chayanapajca, ñaupashpa rij levitacunaca, ñami Diospaj carpa huasitaca shayachishpa shuyacurcacuna.

NÚMEROS 3:7

Paicunaca Dioshuan tupanacuna carpa huasipi, tucui israelcunamanta imallata rurana cashcata Aarón mandashca shina rurachun. Diospajlla huasipi imalla rurana cashcataca paicuna rurachun.

NÚMEROS 3:9

Levitacunaca israelcunapuramanta ch'icanchishca cashcamanta Aaronpish, paipaj churicunapish imallata rurachun nishcata rurachun churangui.

NÚMEROS 31:30

Macanacuiman mana rij israelcunaman paicuna japina cashcata cucushpaca: Huarmi huambracunatapish, huagracunatapish, burrocunatapish, ovejacunatapish cada pichca chungamanta shujta Mandaj Diosman cungapaj ch'icanchinguichij. Chaicunataca Diospaj carpa huasita cuidacuj levitacunaman cunguichij” nircami.

NÚMEROS 4:15

Israelcuna shujtajman rina tucujpica Diospajlla ch'icanchishca huasita, chai ucupi tucui imalla charinacunata Aarón, paipaj churicunandij ña tucui pilluchijpica, Coatpaj huahua huahuacuna chaicunata apanaman c'uchuyachun. Ashtahuanpish Diospajlla cajtaca imata ama tuparichun. Diospajlla cajta tuparishpaca huañungami. Dioshuan tupanacuna carpa huasipi imalla cajcunata Coatpaj huahua huahuacuna apanaca chaicunami.

NÚMEROS 4:28

Gersonpaj huahua huahuacunaca, Dioshuan tupanacuna carpa huasipica tucui chaicunata rurachuncuna. Paicunaca Aarón curapaj churi Itamar ima shina yachachishpa mandashca shina rurachuncuna.

NÚMEROS 4:33

Meraripaj huahua huahuacunaca, Dioshuan tupanacuna carpa huasipica tucui chaicunata apajcuna cachun. Paicunapish Aarón curapaj churi Itamar ima shina yachachishpa mandashca shina rurachuncuna” nircami.