NÚMEROS 3:7 - Dios Rimashca Shimicunami

⁷ Paicunaca Dioshuan tupanacuna carpa huasipi, tucui israelcunamanta imallata rurana cashcata Aarón mandashca shina rurachun. Diospajlla huasipi imalla rurana cashcataca paicuna rurachun.

NÚMEROS 3:7 Iomraidhean Croise

1 CRÓNICAS 26:20

Levitacunapurallataj caj Ahiastaca Diospaj huasipi tiyaj achca valijcunata, Diospajlla ch'icanchishca achca valijcunata cuidachunmi saquircacuna.

1 CRÓNICAS 26:22

Jehielipaj churicunandij, Zetam paipaj huauqui Joeldijca Mandaj Diospaj huasipi tiyaj achca valijcunatami cuidana tucurca.

1 CRÓNICAS 26:26

Selomit paipaj huauquicunandijca, jatun mandaj David, ñaupa yayacunamanta mirarishca quiquinpurallata mandajcuna, 1.000 soldadocunata mandajcuna, patsaj soldadocunata mandajcuna, tucui soldadocunata mandajcunapish Diospajlla ch'icanchishpa cushca achca valijcunata cuidajcunami carca.

LEVÍTICO 8:35

Mandaj Dioshuan tupana carpa huasi pungupica canchis punllacunatami tutapish punllapish cana canguichij. Cancuna mana huañungapajca Mandaj Dios mandashcataca tucuitami Mandaj Diospaj ñaupajpi pajtachina canguichij. Mandaj Diosca chashnami ñucataca mandarca” nircami.

NÚMEROS 1:50

Ashtahuanpish levitacunataca Dioshuan ari ninacushca quillcata huaquichina carpa huasita, chaipi Diospajta ruranapaj imalla charinacunata, chai carpa huasipi tucui imalla tiyajcunatapish ricuchun churangui. Diospaj carpa huasita, chaipi tucui imalla tiyajcunatapish paicunami apajcuna canga. Tucui chaicunata rurashpami Diospajta rurangacuna. Paicunaca Diospaj carpa huasi muyundijpi paicunapaj carpa huasicunata shayachishpa causachuncuna.

NÚMEROS 1:53

Levitacunaca Dioshuan ari ninacushca quillcata huaquichina carpa huasi muyundijpi, paicunapaj carpa huasicunata shayachishpa tiyarichun. Tandanacushca israelcunapaj jahuaman Mandaj Dios p'iñarishca ama shamuchunmi paicunaca chaipi cuidangacuna”.

NÚMEROS 3:32

Levitacunata pushajca, Aarón curapaj churi Eleazarmi carca. Diospajlla huasita cuidajcunata mandajpish paillatajmi carca.

NÚMEROS 3:8

Dioshuan tupanacuna carpa huasipi Diospajta ruranapaj tucui imalla charinacunata cuidachun. Israelcunamanta imallata rurana cashcatapish paicuna rurachun. Paicunaca Diospaj carpa huasipi imalla rurana cashcata rurachun.

NÚMEROS 31:30

Macanacuiman mana rij israelcunaman paicuna japina cashcata cucushpaca: Huarmi huambracunatapish, huagracunatapish, burrocunatapish, ovejacunatapish cada pichca chungamanta shujta Mandaj Diosman cungapaj ch'icanchinguichij. Chaicunataca Diospaj carpa huasita cuidacuj levitacunaman cunguichij” nircami.

NÚMEROS 8:11

Israelcuna ofrendata Diosman cushcaca levitacunami. Chaicunataca Aaronmi Mandaj Diosman cunga. Chai levitacunaca Mandaj Diospajta rurashpami causangacuna.

NÚMEROS 8:15

Mapa illajllata rurashpa can ñucaman cushca q'uipaca, levitacunaca Dioshuan tupanacuna carpa huasipi Diospajta ruranata callarichunlla.