NÚMEROS 3:45 - Dios Rimashca Shimicunami

⁴⁵ “Israelcunapaj punta churicunapaj randica, levitacunata ñucapaj cachun japingui. Israelcunapaj animalcunapaj randipish, levitacunapaj animalcunata ñucapaj cachun japingui. Levitacunaca tucuicunami ñucapaj canga. Mandaj Dios ñucami chashna nini.

NÚMEROS 3:45 Iomraidhean Croise

ÉXODO 34:20

Punta huacharishca burropaj randica shuj ovejata cushpa chai burrotaca llujshichichun. Mana chashna llujshichishpaca cungata p'aquishpa huañuchichun. Punta huacharishca churicunatapish chashnallataj llujshichinguichij. Maijanpish ñucapajman shamujca chushaj maquillaca ama shamuchun.

MALAQUÍAS 2:4

Levitacunahuan ñuca ari ninacushcata pajtachingapaj chashna mandashcataca, ñuca cushcatami yachanguichij. Tucuita Mandaj Diostajmi chashna nini.

NÚMEROS 18:6

Cancunapaj huauqui levitacunataca israelcunapuramanta ch'icanchishpami japircani. Paicunataca Mandaj Dios cancunaman cushca cachunmi cancunaman curcani. Paicunaca Dioshuan tupanacuna carpa huasipimi Diospajta rurangacuna.

NÚMEROS 3:12

“Israelcunapurapi paicunapaj tucui punta churicunaca ñucapajmi. Tucui israelcunapaj punta churicunata ñuca japinapaj randica, tucui levitacunatami ñucapaj cachun japircani.

NÚMEROS 3:44

Chai q'uipaca Mandaj Diosca Moisestaca cashnami mandarca:

NÚMEROS 8:16

Levitacunaca israelcunapaj punta churicunapaj randi ñucaman cushcata ñuca chasquishcacunami. Paicunataca israelcunapaj punta churicunapaj randimi ñucapaj cachun japircani.