NÚMEROS 3:40 - Dios Rimashca Shimicunami

⁴⁰ Mandaj Diosca Moisestaca cashnami nirca: “Israelcunapaj punta churicunataca shuj quillata charij huahuacunamanta callarishpa tucui c'aricunata yupashpa paicunapaj shuticunata quillcai.

NÚMEROS 3:40 Iomraidhean Croise

SALMOS 87:6

Mandaj Diosca llajtacunapi causajcunataca: “Caica Sionpimi huacharirca” nishpami quillcanga. Selah

ISAÍAS 4:3

Sionpi puchurishcacunapish, Jerusalenpi causaihuan saquirishcacunapish, jucha illajmi nishcacunami canga. Tucui Jerusalenpi causaiyujcunapaj shuticunata quillcashcacuna,

NÚMEROS 3:12

“Israelcunapurapi paicunapaj tucui punta churicunaca ñucapajmi. Tucui israelcunapaj punta churicunata ñuca japinapaj randica, tucui levitacunatami ñucapaj cachun japircani.

NÚMEROS 3:15

“Levipaj huahua huahuacunataca cada yayamanta mirarimushcacunapaj cada huasi familiata yupashpa shuj quillata charij c'ari huahuacunamanta huichiman tucui c'aricunapaj shuticunata quillcai” nircami.

NÚMEROS 3:41

Chai q'uipaca israelcunapaj punta churicunapaj randica levitacunata ñucapajlla cachun ch'icanchingui. Israelcunapaj animalcuna punta huachashca c'ari animalcunapaj randipish, levitacunapaj animalcunata ñucapaj cachun ch'icanchingui. Mandaj Dios ñucami chashna nini” nircami.

NÚMEROS 3:45

“Israelcunapaj punta churicunapaj randica, levitacunata ñucapaj cachun japingui. Israelcunapaj animalcunapaj randipish, levitacunapaj animalcunata ñucapaj cachun japingui. Levitacunaca tucuicunami ñucapaj canga. Mandaj Dios ñucami chashna nini.

Lucas 10:20

Cancunaca supaicunata cazuchishpallaca ama cushicuichijchu. Ashtahuanpish cancunapaj shuticuna jahua pacha libropi quillcashca cashcamanta cushicuichij– nircami.

Filipenses 4:3

Shinallatajmi ñucahuan tandalla pajtachij, cantapish rogani. Chai panicunata ayudangui. Paicunaca Clementendij, shujtaj huauquicunandij alli huillaita ñucahuan tandalla macanacuj shina huillajcunami. Paicunapaj shuticunaca, causaipaj libropimi.

2 Timoteo 2:19

Ashtahuanpish Taita Dios sinchita callarichishpa sellashcacunaca mana cuyuchipaj sinchimari: “Mandaj Jesusca paipaj cajcunataca rijsinmi”. Chashnallataj, “Maijanpish Cristopaj shutita huillajcunaca tucui millaimanta anchurichun” ninmi.

Hebreos 12:23

Diospaj punta churi Israelcuna tandanacushca crijcunapaj shuticuna jahua pacha libropi quillcashca tiyacunmanpishmi chayashcanguichij. Tucuicuna imalla rurashcata ricuchij Diospajman, cashcata rurajcunami nishpa alli nishca espiritucunapajmanpishmi chayashcanguichij.

Apocalipsis 14:4

Chai cantajcunaca, huarmicunapi mana mapayashca chuyacunami. Paicunaca Oveja maita rishcata catijcunami. Paicunaca cai pachapi causajcunapaj chaupimanta randishpa quishpichishcacunami carca. Diospajpish, Ovejapajpish punta p'ucushca grano shinami.

Apocalipsis 3:5

Tucuita mishajca, yuraj churanata churachishcami canga. Paipaj shutitapish huiñaita causanapaj libromantaca mana p'ichashachu. Ñuca Yayapaj ñaupajpi, paipaj angelcunapaj ñaupajpimi paicunaca ñucapajmi nishpa huillasha.