NÚMEROS 3:15 - Dios Rimashca Shimicunami

¹⁵ “Levipaj huahua huahuacunataca cada yayamanta mirarimushcacunapaj cada huasi familiata yupashpa shuj quillata charij c'ari huahuacunamanta huichiman tucui c'aricunapaj shuticunata quillcai” nircami.

NÚMEROS 3:15 Iomraidhean Croise

2 CRÓNICAS 31:17

Curacunaca maijan familiapuralla cashcatami quillcachishcacuna carca. Levitacunaca ima ruranapi cashcatapish mirga mirgapi ch'icanchishcacunapuramanta maijan mirgapura cashcatapishmi quillcachishcacuna carca.

PROVERBIOS 8:17

Ñucata c'uyajcunataca, ñucapish c'uyanimi. Tutamantaman mashcajcunallami ñucataca japincuna.

JEREMÍAS 2:2

“Ri, Jerusalenpi causajcuna uyajta cashna caparigri: Mandaj Diosca cashnami nin: Can huambraraj cashpaca, ñucata allimi cazuj carcangui. Ñucahuan cunanlla cazarashca cashpaca, ñucata c'uyarcanguimi. Chaimantami ima tarpushca mana tiyaj, shitashca pambata pushamujpipish, ñucata catishpa shamurcanguilla. Chaitaca allimi yuyarini.

JEREMÍAS 31:3

Mandaj Diosca achca huatacuna sirijpirajmi, ñucaman ricurishpa cashna nirca: “Ñucaca can israelcunataca huiñaita mana tucurij c'uyaihuanmi c'uyani. Chaimanta cancunataca llaquicunillami.

NÚMEROS 1:3

Macanacuiman llujshipaj caj israelcunataca Aaronhuan tucushpa, ishqui chunga huatata charijmanta huichiman tucuicunata quillcanguichij. Paicunataca cada mirgata churanguichij.

NÚMEROS 1:47

Leví familiacunataca caishuj aillucunahuan tandachishpaca mana quillcarcachu.

NÚMEROS 26:57

Levipaj churicunamanta mirarishca familiacunata quillcashpa yupajpica caicunami: Gersonmanta mirarishca gersonitas nishca familiacuna, Coatmanta mirarishca coatitas nishca familiacuna, Merari runamanta mirarishca meraritas nishca familiacunami carca.

NÚMEROS 26:62

Levitacunamanta mirarishcacunata shuj quillata charij huahuacunamanta huichiman tucui c'aricunapaj shuticunatapish quillcashpa yupajpica 23.000mi carca. Israelcunata quillcashpa yupacushpaca levitacunataca mana quillcashpa yuparcachu. Israelcunapurapi tarpuna allpata mana cuna cashcamantami israelcunahuan tandalla levitacunataca mana quillcarca.

NÚMEROS 3:16

Chaimi Moisesca, Mandaj Dios mandashca shinallataj shuticunata quillcarca.

NÚMEROS 3:22

Paicunatapish shuj quillata charij c'ari huahuacunamanta huichiman, tucui c'aricunapaj shuticunata quillcashpa yupajpica, 7.500mi carca.

NÚMEROS 3:28

Paicunatapish shuj quillata charij c'ari huahuacunamanta huichiman tucui c'aricunapaj shuticunata quillcashpa yupajpica, 8.600mi carca. Paicunaca Diospajlla huasita cuidajcunami carca.

NÚMEROS 3:34

Paicunatapish shuj quillata charij c'ari huahuacunamanta huichiman tucui c'aricunapaj shuticunata quillcashpa yupajpica, 6.200mi carca.

NÚMEROS 3:43

Punta huacharishca c'ari huahuacunata shuj quillata charij huahuacunamanta huichiman tucuicunapaj shuticunata quillcashpa yupajpica, 22.273mi carca.

Marcos 10:14

Chaita Jesús ricushpaca, p'iñarishpami: –Huahuacuna ñucapajman shamuchun saquichij, ama jarcaichijchu. Cai huahuacuna shina cajcunami jahua pacha Taita Dios mandacujpica yaicunga.

2 Timoteo 3:15

Canca huahuamanta pachami, Diospaj Quillcacunataca yachangui. Chaicunami Cristo Jesusta crishpa quishpirichun, cantaca yachajta rurai tucun.