NÚMEROS 3:10 - Dios Rimashca Shimicunami

¹⁰ Curacuna rurana cashcata rurachunca, Aaronta, paipaj churicunallata churangui. Pi shujtaj chaita ruranaman c'uchuyashpaca huañungami” nircami.

NÚMEROS 3:10 Iomraidhean Croise

2 SAMUEL 6:7

Mandaj Diosca Uza runahuanca nina sindirij shina p'iñarirca. Mandaj Diospaj arcata tuparishcamantami Taita Diosca paitaca huañuchijpi, Diospaj arca c'uchullapitaj urmashpa huañurca.

1 REYES 12:31

Jeroboamca lomacunapipish huasicunata rurachishpami, manapish levitapura runacunata curacuna cachun churarca.

1 CRÓNICAS 6:32

Paicunami Mandaj Dioshuan tupangapaj tandanacuna carpa huasi ñaupajpi cantocunahuan Diospajta rurajcuna carca. Mandaj Diospaj huasita Jerusalenpi Salomón rurangacamami chashna rurajcuna carca. Ña chai huasita shayachijpipish, ima shinami ñaupaman carpa huasi ñaupajpi Diospajta ruracurcacuna, chashnallatajmi ruracurcallacuna.

NEHEMÍAS 6:11

Chaimi ñucaca: “¿Ñuca shina c'ari c'ari runaca miticungami yuyanguichari? ¿Ñuca shina c'ari c'ari runaca paipaj causaita quishpichingapajca Diospaj huasiman yaicungachari? Manataj yaicushachu” nircanimi.

ÉXODO 29:9

Aarontapish, paipaj churicunatapish chumbillinahuan chumbillichingui. Tiaracunatapish huatangui. Aarontapish, paipaj churicunatapish ñucapajlla cachun chashna ch'icanchingui. Curacuna canaca huiñai huiñaita paicunapajllami saquiringa.

EZEQUIEL 44:8

Shinallataj imalla ñucapajlla cashcacunatapish, manamari ñucapajlla cashcataca yuyashpa huaquichircanguichijchu. Ashtahuanpish ñucapajlla huasipi ñuca mandashcacunata pajtachichunca shujtaj runacunatamari churarcanguichij ninmi ni” nircami.

LEVÍTICO 22:10

Manapish cura cajcunaca Diospajlla ch'icanchishcacunataca mana micungachu. Curapaj huasipi pozaj cashpapish, paipajta trabajaj cashpapish, Diospajlla ch'icanchishcacunataca ama micuchun.

NÚMEROS 1:51

Diospaj carpa huasita shujtajman apana tucujpica, levitacuna pascashpa apachun. Diospaj carpa huasita ña maipi shayachina tucujpica, paicuna shayachichun. Manapish levita caj c'uchuyashpaca huañungami.

NÚMEROS 16:10

Levipaj aillutaca tucuicunata paipaj c'uchupi rurachun churashca jahuachu ¿cura canatapish munanguichij?

NÚMEROS 16:35

Mandaj Diospaj ñaupajmanta lunyacuj nina llujshishpami, inciensota cuj 250 runacunatapish huañuchirca.

NÚMEROS 16:40

Chaica Mandaj Diosman inciensota cushpa altarpi rupachinamanca, Aaronpaj huahua huahuacunalla c'uchuyana cashcata israelcuna ricushpa yuyarinapajmi carca. Manapish Aaronpaj huahua huahua cajcuna altarman c'uchuyashpaca Coré runa, paihuan tucushpa jatarijcunandij ima shina tucushca shinallataj tucunata ricuchijmi carca. Eleazar curaca Mandaj Dios Moisesta ima shina mandashca shinallatajmi tucuita rurarca.

NÚMEROS 18:3

Levitacunaca can mandashcallata rurachuncuna. Diospaj carpa huasitapish tucuita cuidachun. Shina cashpapish Diospajta ruranapaj caj imalla charinacunaman, altarmanpish ama c'uchuyachun. Cancunapish, paicunapish ama huañungapajmi chashna rurana canguichij.

NÚMEROS 18:7

Ashtahuanpish curacuna imalla rurana cashcata rurashpa Mandaj Diospajta ruranataca altarpipish, linsohuan jarcachishca ucupipish canhuan, cambaj churicunallahuanmi rurana canguichij. Curacuna imalla rurana cashcata ruranataca ñucami curcani. Manapish cura caj chaiman c'uchuyashpaca huañungami” nircami.

NÚMEROS 3:11

Mandaj Dios Moisesta mandashpaca cashnami nirca:

NÚMEROS 3:38

Diospajlla huasi ñaupaj ladoman, Dioshuan tupanacuna carpa huasi ñaupaj lado, inti llujshin ladomanca Moisés, Aarón, Aaronpaj huahua huahuacunami paicunapaj carpa huasicunata shayachishpa tiyarijcuna carca. Paicunaca Diospajlla huasitami israelcunapaj randi chaipi cuidajcuna carca. Shujtajcuna chaiman yaicushpaca, huañunami carca.

Romanos 12:7

Shujtajcunapaj allita rurajca, allita ruranapi cachun. Yachachijca yachachinapi cachun.

Efesios 2:19

Chaimantami cancunaca ña mana shujtaj llajtamanta shamushcacunalla, pasacujcuna shinallapish mana canguichij. Ashtahuanpish jucha illaj llajtapurataj, Diospaj familiapuratajmi canguichij.

DEUTERONOMIO 18:5

Mandaj Diosca tucui aillucunamantaca levitacunatami agllarca. Paicunataca paipaj imalla rurana cashcata Mandaj Diospaj shutipi huahua huahua paicunalla rurashpa catichunmi agllarca.

Hebreos 8:4

Mandashcapi nishca shinaca, Diosman cushca ofrendacunata cuj curacuna tiyashcaraj cajpica, pai cai pachapi cashpaca curallapish mana canmanchu carca.

JUECES 17:5

Micaía runaca paipaj huasipimi, dioscunapaj huasita charirca. Shuj efodta, terafín nishca dioscunatapishmi rurachirca. Chashna rurashpaca paipaj shuj churitami cura cachun churarca.

1 SAMUEL 6:19

Bet-semes pueblopi causajcunataca, Mandaj Diospaj arca ucuta ricushcamantami huañuchirca. Paicunaca 50.070mi huañurcacuna. Chai achcacunata Mandaj Dios huañuchijpimi, chaipi causajcunaca jatunta llaquirishpa huacarcacuna.