NÚMEROS 29:9 - Dios Rimashca Shimicunami

⁹ Chaicunahuan cuna cutataca cashna cunguichij: Bizihuanca shuj efata chungapi chaupishca quimsa parte ashtahuan alli cutata aceitehuan chapushcahuan cunguichij. Carnerohuanca shuj efata chungapi chaupishca ishqui parte ashtahuan alli cutata aceitehuan chapushcahuan cunguichij.

NÚMEROS 29:9 Iomraidhean Croise

LEVÍTICO 14:10

Ña pusaj punlla tucujpica ima mana tucushca ishqui malta ovejata, shuj huatayuj ima mana tucushca huarmi ovejatapish apamuchun. Shinallataj Diosman cuna cashcataca sujta kilo chaupi ashtahuan alli cutata aceitehuan chapushcata, shuj log nishca aceitetapish apamuchun.

NÚMEROS 29:10

Shuj huatayuj c'ari ovejacunahuanca cada ovejahuan shuj efata chungapi chaupishca shuj parte ashtahuan alli cutata aceitehuan chapushcahuan cunguichij.

NÚMEROS 29:8

Mandaj Diospaj mishquijlla ashnacuj cachun cunataca shuj bizita, shuj carnerota, shuj huatayuj canchis c'ari ovejacunata cunguichij. Chai animalcunaca ima mana tucushca cachun.