NÚMEROS 29:6 - Dios Rimashca Shimicunami

⁶ Quillanta cushpa tucui rupachinatapish, punllanta cushpa tucui rupachinatapish, tallina vinotapish chai punllacunapipish cunataca ama saquishpa mandashcapi nishca shinallataj cunguichij. Chai cushcacunaca Mandaj Diospajca mishquiman ashnacujmi canga.

NÚMEROS 29:6 Iomraidhean Croise

ESDRAS 3:4

Mandashcapi quillcashca shinallatajmi israelcunaca Diosta yuyaringapaj yura ramacunahuan chugllacunata rurashpa fiestata rurarcacuna. Chaipica punllanta ima shina cuchun nishca shinallatajmi Diosman cushpa tucui rupachij carca.

LEVÍTICO 6:9

“Aarontapish, paipaj churicunatapish cashna mandai: Diosman tucuita cushpa tucui rupachinacuna ima shinalla ruranata yachachinaca cashnami: Diosman tucuita cushpa tucui rupachinataca, altar jahuapi nina rupacunpi chishimantaca pacaringacama tucui tuta rupashpa tucui rupachun churachun.

NÚMEROS 15:24

Tucui israelcuna cai mandashcacunata mana tucuita yuyarishcamanta mana tucuita pajtachishpa juchallishpaca, tucuicunamanta shuj huagrata apamushpa Mandaj Diosman cuchun. Chaitaca Mandaj Diospaj mishquiman ashnacuj cachunca, paiman cushpa tucui rupachichun. Chaihuan cunapajca mandashcapi ima shina cuna nishca shinallataj Diosman cuna granocunatapish, tallina vinotapish cuchun. Paicunapaj juchamanta cuchunca shuj chivota cuchun.

NÚMEROS 15:4

Chaicunata Mandaj Diosman cucujca, shuj efa ashtahuan alli cutata chungapi chaupishca shuj parteta, shuj hinta chuscupi chaupishca shuj parte aceitehuan chapushcahuan cuchun.

NÚMEROS 28:27

Mandaj Diospaj mishquijlla ashnacuj cachun cushpa tucui rupachinataca, ishqui bizita, shuj carnerota, shuj huatayuj canchis c'ari ovejacunata cunguichij.

NÚMEROS 29:18

Chai animalcunahuan cuna cutata, tallina vinotaca, cada bizihuan, cada carnerohuan, shuj huatayuj cada c'ari ovejahuanpish ima shina cunata mandashcapi nishca shinallataj cunguichij.

NÚMEROS 29:21

Chai animalcunahuan cuna cutata, tallina vinotaca, cada bizihuan, cada carnerohuan, shuj huatayuj cada c'ari ovejahuanpish ima shina cunata mandashcapi nishca shinallataj cunguichij.

NÚMEROS 29:5

Juchallishcamanta Mandaj Dioshuan alli tucungapajca shuj chivota cunguichij.

NÚMEROS 7:13

Paica caicunatami curca: 130 siclota pezaj shuj cullqui platota, canchis chunga siclota pezaj shuj cullqui jarrotami curca. Chaicunaca Diospaj carpa huasipi cullquita pezanapi pezashcami carca. Chaquishca granota Diosman cunataca chai ishquindijpitajmi tucuimanta yalli alli cutata aceitehuan chapushca jundahuan curca.

NÚMEROS 9:14

“Cancunahuan causacuj mana israelcuna Mandaj Diosta yuyarishpa Pascua micuita rurashpaca, Pascua micuita ima shinalla rurana cashca shinataj rurachun. Cancunaman cushca mandashcapi ima shinalla ruranata mandashca shinataj rurachun. Israelcuna cashpapish, mana israelcuna cashpapish Pascua micuita ima shinalla ruranataca chai mandashcallatatajmi charinguichij” nircami.